Sædís Hrönn Sam­ú­els­dóttir og 12 ára dóttir hennar, Ísabella Von, eru á leið til Flórída á næst­unni eftir að frænka stúlkunnar, Ingi­björg Gróa Gunn­ars­dóttir safn­aði fyrir ferð mæðgn­anna.

„Stuðn­ingur og styrkur sam­landa okkar skilur okkur frænkur eftir orð­­lausar & meyrar! Rétt í þessu til­­kynnti ég Ísa­bellu Von að þökk sé fram­lagi yfir hund­ruði sam­landa okkar sé hún og móðir hennar á leið til Flórída,“ skrifar Ingi­björg í færslu.

Sjá einnig: Dóttir Sædísar reyndi að svipta sig lífi eftir ein­elti í Hafn­ar­firði:„Hún er enn þá uppi á spít­ala“

Ísabella Von hefur und­an­farið dvalið á sjúkra­húsi eftir að hafa reynt að svipta sig lífi. Hún hefur orðið fyrir langvar­andi ein­elti í Hafn­ar­firði og ofbeldi af hálfu jafn­aldra sinna og hefur stúlkan unga ekki mætt í skól­ann lengi.

Ísa­bella hefur sætt hrotta­legu ein­elti af hálfu jafn­aldra sinna í rúmt ár og reyndi að svipta sig lífi í fyrra­dag. Hún er hú á leið til Flórída með móður sinni en þar á stúlkan frænd­fólk og eldri systur.

Ingi­björg stóð fyrir söfnun á Face­book:

„Söfnunin fór fram úr okkar björt­ustu vonum. Að finna og sjá fjölda fólks sem er til­­búið í að sam­ein­ast til að gleðja unga stelpu, leyfa henni að finna öryggi og til­­hlökkun à ný eftir erfitt ár er að­dáunar­vert í alla staði og sýnir að kær­­leik­ur­inn og góð­­mennskan er àvalt meiri þótt reiði & hatur reynir að ná yfir­­hönd­inni inn à milli!“

„Við vonum að um­­ræðan sein­asta sólar­hring sé àminn­ing til allra um að vanda sig á­valt í sam­­skiptum við aðra og sýna börn­unum góð for­­dæmi því þau læra það sem fyrir þeim er haft. Fyrir ykkur sem eruð að upp­­lifa ein­elti, ég sendi ykkur styrk og vona að vit­undar­vakn­ing hafi orðið í sam­fèlag­inu og verði ein­eltis for­varnir og við­bragðsàætl­anir endur­­­skoð­aðar. Þakk­læti er ekki nægi­­lega stórt orð til að lýsa sein­asta sólar­hring. Þakklàt­ust er ég fyrir að Ísa­bella Von sé enn hér hjà okkur og sjài alla ást­ina og kær­leikan sem um­­vefur hana þessa stund­ina,“ segir Ingi­björg.