Rannsókn á andláti karlmanns um síðustu helgi miðar vel – Meintur gerandi laus úr gæsluvarðhaldi

Rannsókn lög­regl­unnar á höf­uð­borg­ar­svæð­inu á and­láti karl­manns á þrí­tugs­aldri um síð­ustu helgi miðar vel. Hinn meinti ger­andi er laus úr haldi.

Samkvæmt upp­lýs­ingum frá lög­regl­unni á höf­uð­borg­ar­svæð­inu gengur rann­sókn á and­láti karl­manns á þrí­tugs­aldri um síð­ast­liðna helgi, vel en meðal ann­ars hefur verið rætt við vitni og farið yfir myndefni úr eft­ir­lits­mynda­vélum. Telur lög­reglan sig hafa skýra mynd af atburða­rásinni sem leiddi til dauða manns­ins.

Karl­maður á svip­uðum aldri var hand­tek­inn í tengslum við málið eins og komið hefur fram en gæslu­varð­halds­úr­skurður yfir honum rann út í dag. Lög­reglan segir að ljóst þyki að aðkoma þess manns sé með þeim hætti að skil­yrði laga um með­ferð saka­mála og snúa að gæslu­varð­haldi á grund­velli almanna­hags­muna, eigi ekki við. Þess vegna hafi ekki verið gerð krafa fyrir hér­aðs­dómi um áfram­hald­andi gæslu­varð­hald og er mað­ur­inn því laus úr haldi. Áfram hefur hann rétt­ar­stöðu sak­born­ings í mál­inu.