Lögreglu barst í gær­kvöldi ábend­ing um aðila sem var í ann­ar­legu ástandi í miðbæ Reykja­víkur. Við­kom­andi hafði ítrekað ónáðað fólk en eftir sam­tal við lög­reglu gekk hann leiðar sinnar. Í hverfi 103 var ölv­uðum aðila vísað út af veit­inga­stað eftir að hafa látið illa og í hverfi 108 hafði lög­regla afskipti af mjög ósáttum við­skipta­vini. Lögreglu hafði borist ábend­ing um mann­inn og að hugs­an­leg slags­mál væru í upp­sigl­ingu. Málið leyst­ist með til­tali.

Síðar um kvöldið veitt­ust fjórir til fimm menn að ungum manni. Einn ógn­aði mann­inum með hníf og höfðu þeir af honum reið­hjól sem þeir svo skemmdu. Að því loknu yfir­gáfu menn­irnir vett­vang og voru á bak og burt þegar lög­regla kom. Málið er í rann­sókn. Knapi féll af baki síð­degis í gær og hlaut opið bein­brot. Við­kom­andi var fluttur á bráða­mót­töku þar sem hann fékk aðhlynn­ingu. Þá sinnti lög­regla öðrum minni­háttar málum í nótt en sam­kvæmt dag­bók lög­reglu var nóttin heldur anna­söm.