Það er óhætt að segja að bás Rúm­fatala­gers­ins hafi slegið í gegn á síð­ustu heim­il­is­sýn­ingu Lifandi heim­ili sem haldin var árið 2017 í Laug­ar­dals­höll. Um 25.000 manns komu við á básnum á sýn­ing­unni sem Ívar Þórður Ívarsson, versl­un­ar­stjóri Rúm­fatala­gers­ins á Smára­torgi, segir að hafi verið frá­bær.

„Það varð allt vit­laust! Sýningin 2017 var rosa­lega vel heppnuð og sýn­ing­ar­gestir voru svo sann­ar­lega ánægðir með þátt okkar. Við buðum upp á geggjuð til­boð og allt rauk út enda nán­ast örtröð við bás­inn okkar. Því var ákveðið að gera enn betur í ár og núna ætlum við að bjóða upp á tvo bása, einn mjög stóran 55 fer­metra bás á besta stað fyrir framan sviðið og annan minni 36 fer­metra bás.“

Stóri bás­inn verður eins og stórt T í lag­inu og myndar í raun þrjú sýn­ing­ar­hólf að sögn Ívars. „Ofan á T-inu, ef svo má segja, sýnum við þrjú vin­sæl­ustu rúmin okkar sem höfða til nær allra ald­urs­hópa ásamt svefn­her­berg­is­hús­gögnum. Hin tvö hólfin sýna ann­ars vegar stofu­húsögn og hins vegar stofu- og her­berg­is­hús­gögn. Bæði stofu- og her­berg­is­hús­gögnin eru sýn­is­horn af vin­sæl­ustu vörum okkar í þeim vöru­flokki.“

Rúm­fatalager­inn sýnir þrjú vin­sæl­ustu rúmin á sýn­ing­unni um helg­ina.

Grínverð í boði

Á minni básnum ætla starfs­menn Rúm­fatala­gers­ins að sýna úrval af vin­sæl­ustu úti­hús­gögnum versl­un­ar­innar. „Rúm­fatalager­inn býður upp á eitt mesta úrval lands­ins af úti­hús­gögnum og við ætlum að bjóða bestu bit­ana á geggj­uðum afslætti. Sýn­ing­ar­gestir eiga eftir að segja „ertu að grín­ast með verðið á þessu?“ og klára kaupin á staðnum. Þarna er ég að tala um vörur eins og útisófa­sett, borð, stóla, minni borð og fleira sem hægt er að setja á pall­inn heima til að hafa það huggu­legt í góða veðr­inu heima.“

Með Ívari og öðrum starfs­mönnum Rúm­fatala­gers­ins verður Soffía Dögg Garð­ars­dóttir, sem jafnan er kennd við heim­il­is­bloggið Skreytum hús.

„Soffía hefur áður unnið með okkur en hún er alltaf með mjög skemmti­legar lausnir varð­andi ýmis konar útstill­ingar. Í sam­ein­ingu ætlum við að svara spurn­ingum gesta og eiga tvo góða daga í Laug­ar­dals­höll. Eftir sýn­ing­una 2017 voru við­skipta­vinir okkar enn að tala um bás­inn okkar og til­boð tveimur til þremur mán­uðum seinna og sýn­ingin um helg­ina verður ekki síðri.“

Á sér­stökum bás má sjá úrval af glæsi­legum úti­hús­gögnum.

Nánari upp­lýs­ingar á www.rfl.is.

Stúdíó Birtíngur
Í sam­starfi við Rúm­fatalager­inn