Setter-hund­arnir Luna og Stitch hurfu þann 11. des­em­ber frá umsjón­ar­fólki sínu á Djúpa­vogi en þeir sáust þann dag á hlaupum inn í Geit­hellna­dal. Hefur ekk­ert til þeirra spurst síðan.

Sjá einnig:

Enn er tveggja hunda leitað á Aust­ur­landi: „Það er sem jörðin hafi gleypt þá“

Samkvæmt Aust­ur­frétt hafa fjöldi fólks, vinir, ætt­ingjar og jafn­vel ókunn­ugir, frá þeim tíma svip­ast um eftir hund­unum en þeir voru nýkomnir til lands­ins þegar þeir hurfu. Alls engar ábend­ingar hafa þó borist um ferðir þeirra síðan en nú, þremur mán­uðum síðar, minnka lík­urnar meira og meira að þeir finn­ist.

Sú sem hafði umsjón með hund­unum er þeir hurfu, Ólöf Rún Stef­áns­dóttir, seg­ist enn hafa þá von í brjósti að þeir finn­ist.

„Það er vissu­lega merki­legt að eng­inn hafi orðið þeirra var þessa mán­uði sem liðnir eru síðan þeir hurfu. Það eru auð­vitað til sögur af hundum af þess­ari teg­und sem hverfa í tölu­verðan tíma en skila sér þó aftur og í raun er ekki alveg úti­lokað að þeir hafi getað plu­mað sig hingað til ef þeir hafa kom­ist í skjól og fundið mat svo vonin er enn í brjósti. En auð­vitað dvínar hún því lengra sem frá líður.“

Segist hún hafa íhugað hvort hund­arnir hafi hrein­lega verið teknir þar sem um verð­mæta hunda er að ræða og segir hún dæmi til um að hundum hafi verið stolið fyrir austan og jafn­vel rænt og farið með þá um borð í Norrænu á Seyði­firði.

„Ég held að það sé ekki hægt að úti­loka slíkt alveg eða hvort ein­hver hefur tekið þá með sér til ein­hvers ann­ars staðar á land­inu. En ég er ekki alveg reiðu­búin að afskrifa þá ennþá, alla­vega ekki fyrr en eitt­hvað er vitað um örlög þeirra hvort sem það er dauði upp á fjöllum eða eitt­hvað annað.“