Blautt og kalt nýtt ár

Það tíðkast víða um heim að hefja nýja árið á því að hlaupa út í kaldan sjó­inn en það er sér­stak­lega vin­sælt í Banda­ríkj­unum og Kanada, þar sem skipu­lagt svaml er gjarnan haldið til styrktar góðu mál­efni.

Í Banda­ríkj­unum er hefð fyrir því að lög­gæslu­yf­ir­völd efni til svo­kall­aðs „Polar Plunge“ til styrktar íþrótta­fólki sem tekur þátt í Special Olympics. Tug­þús­undir taka þátt ár hvert í ríkjum á borð við Maryland, Minnesota, Wisconsin og Illinois.

Margir hverjir láta sér nægja að hlaupa örstutt út í ískalt vatnið, á meðan aðrir fara alla leið. Þá eru til svo­kall­aðir „Super Plungers“ en þeir skuld­binda sig til að fara út í vatnið 24 sinnum á 24 klukku­stundum, venju­lega á heila tím­anum, og eru þeir sem safna mestum áheitum.

Síðasta nýárs­dag var loft­hit­inn í New York heilar 15 gráður þegar um 3.800 manns fóru í sjó­inn við Coney Island og sjáv­ar­hit­inn um sjö gráður. Mörgum þátt­tak­endum þótti engu að síður nóg um kuld­ann og sagði Maria nokkur Nunez að hún hefði ekki tekið eftir því í heilar 10 mín­útur að hún hefði tapað öðrum skónum. „Þú missir alla til­finn­ingu,“ sagði hún. Rafael Sanchez sagði reynsl­una hins vegar mun huggu­legri en árið áður, þegar loft­hit­inn var -13 gráður. „Í fyrra brann maður, það var hræði­legt,“ sagði hann.