LIND fast­eigna­sala er með í einka­sölu ein­stakt og vandað fjöl­býl­is­hús við Hlíð­ar­enda. Íbúð­irnar eru tveggja, þriggja og fjög­urra her­bergja og á bil­inu frá 74 til 235 fer­metrar. Bíla­stæði fylgir öllum íbúðum og bíl­skúrar með sumum.

Hannes Stein­dórs­son, lög­giltur fast­eigna­sali hjá LIND fast­eigna­sölu, segir að þetta sé eitt vand­að­asta hús sem hefur verið byggt á höf­uð­borg­ar­svæð­inu og mikið sé lagt upp úr þæg­indum og góðri nýt­ingu á plássi í hverri íbúð. „Stof­urnar eru stórar, geymsl­urnar rúm­góðar og það eru tvö bað­her­bergi í sumum íbúðum. Svo er aukin loft­hæð í hús­inu, 280 sentí­metrar og gólf­síðir gluggar.

Inn­rétt­ing­arnar ná síðan allar upp í loft til þess að hámarka geymslu­rými íbúð­anna,“ segir hann og getur þess að inn­rétt­ing­arnar séu frá danska fyr­ir­tæk­inu JKE, en það sé þekkt á heims­vísu fyrir vand­aða fram­leiðslu. Í boði verði þrjár mis­mundi útfærslur af inn­rétt­ingum og þær skilist með vönd­uðum Quartz-borð­plötum, bæði í eld­húsi og á baði frá Granítsmiðj­unni.

„Það má líka taka fram að raf­magns­tækin í íbúð­unum eru öll frá Miele og blönd­unar- og hrein­læt­is­tækin eru frá Tengi,“ bætir hann við. „Svo er lýs­ingin hönnuð af Lumex og því óhætt að segja að gæðin séu í fyr­ir­rúmi.“

Hannes segir að auk þess sé bygg­ingin hönnuð sér­stak­lega með hlið­sjón af íslenskri veðr­áttu. „Glugg­a­rnir eru til að mynda mjög vand­aðir danskir áltré­gluggar frá Velfac, en það sem ein­kennir slíka glugga er að þeir með hátt ein­angr­un­ar­gildi fyrir hita og hljóði,“ bendir hann á. „Húsið sjálft er svo klætt að utan með álklæðn­ingu, þannig að bygg­ingin er við­halds­lítil.“

Fleira taki mið af íslenskum aðstæðum, til dæmis séu göngu­leið­irnar í inn­garð­inum búnar snjó­bræðslu, sem auð­veldi lífið tals­vert á vet­urna. „Fyrst við erum að tala um það þá má líka nefna að garð­ur­inn er ótrú­lega glæsi­legur, bara algjör sælu­reitur,“ segir hann. „Og mörgum íbúðum fylgja fer­lega flottir þak­garðar.“

Þá nefnir hann að bíla­kjall­ar­inn sé á tveimur hæðum en í honum sé fjöldi bíl­skúra auk hefð­bund­inna bíla­stæða.