Í Póllandi hefur verið ákveðið að loka öllum leikskólum og skólum í landinu frá og með næsta mánudegi en eins og staðan er núna er lagt upp með að lokunin verði í tvær vikur. 26 tilfelli hafa verið greind í landinu þegar þetta er skrifað.
Í gær leit út fyrir að dregið hefði úr smitum í Suður-Kóreu en sú staða breyttist í dag þegar 242 tilfelli greindust á móti 35 tilfellum í gær. Tilfellin í landinu eru því komin upp í 7755 og 62 dánartilfelli.
Í Berlín og víðar í Þýskalandi hefur verið sett á samkomubann á viðburði með yfir 1000 manns en þriðja dauðsfallið var tilkynnt þar í landi, bannið á að gilda þar til á páskum.
Landamærum að Ítalíu frá Sviss hefur víða verið lokað en það er gert til að reyna að hægja á útbreiðslu veirunnar.
Í Frakklandi hafa nú verið greind 1748 tilfelli en þess má geta að menningarmálaráðherra Frakklands, Franck Riester hefur verið greindur með Covid-19 veiruna. Á myndinni sem fylgir fréttinni má sjá útbreiðsluna í Frakklandi á skýru korti sem franski miðillinn Le Figaro heldur úti.
Sjá einnig: Samkomubann á allri Ítalíu vegna veirunnar
Covid-19
Hópsýking greindist eftir þorrablót í Brúarási – Guðrún Hafsteinsdóttir meðal gesta
Mánagarðsbörnin orðin fimm á gjörgæslu – Rúmlega 40 börn hafa smitast
Inga Sæland með Covid: „Ljóta óværan þetta sem flæðir nú yfir sem aldrei fyrr“
Sanna greind með Covid-19: „Er ekki sú hressasta núna“
Steinunn Ólína ver vin sinn Kára: „Sjálfsábyrgðin er harður húsbóndi“
Athugasemdir