Náttúran er rauði þráð­ur­inn í gegnum tísku­strauma í ár, líka þegar kemur að litum. Allt frá demp­uðum grænum og gráum tónum yfir í djúpan bláan lit. Jarð­lita­tónar á borð við gul­brúnan, brúnan, rústrauðan yfir í musku­tóna verða einnig áber­andi. Þessi lita­pal­letta minnir okkur á veð­ur­farið og þróun lit­aum­hverfis okkar hvort sem það er í inn­an­húss­hönnun, arki­tektúr eða á tískupöll­unum.

Í dag snýst þetta í miklu mæli um að bera virð­ingu fyrir nátt­úr­unni.

Græna lit­inn má einnig draga fram á heim­il­inu í formi plantna sem ýta undir tengsl okkar við nátt­úr­una og fríska upp á heim­ilið. Und­an­farin ár hefur mikið verið rýnt í áhrif og afleið­ingar lofts­lags­breyt­inga sem reynt hefur verið að sporna við með auk­inni áherslu á sjálf­bærni. Naum­hyggjan teygir anga sína inn á heim­ilin og sést hún í hönnun og bygg­ingu mann­virkja almennt. Í dag snýst þetta í miklu mæli um að bera virð­ingu fyrir nátt­úr­unni. Með þessu gefur þú heim­il­inu nátt­úru­legt útlit sem einnig má blanda saman við nýstár­legri efni og hluti.

Djúpir lita­tónar setja hlý­legan svip á heim­ilið.

Litir sem und­ir­stöðu­þættir nátt­úr­unnar sjást í auknu mæli inni á heim­il­unum, hvort sem það er í formi máln­ingar, mál­verka, vefn­aðar eða vegg­fóð­urs en jarð­lita­tónar eru meðal ann­ars sagðir hág­marka þæg­indi, kyrrð og ró.

Mynstur í dag eru alla­vega, allt frá ein­földum formum og blómum yfir frum­leg og ævin­týra­leg mynstur, en vegg­fóður hafa sjaldan verið jafn vin­sæl. Það virð­ast okkur engin tak­mörk sett þegar kemur að mynstri og áferð.

Rústrauðir og terracotta-tónar verða sjóð­heitir á árinu.

Liturinn Tranquil Dawn er heitur á árin

Nátt­úru­leg áferð og efni verður sífellt meira áber­andi – terracotta, marmari og málmar halda velli. Lifandi og tíma­laust.

Myndir / Frá fram­leið­endum