Hvítur litur er senni­lega vin­sælasta val þegar kemur að máln­ingu enda í senn tíma­laus og hlut­laus. Þess ber þó að geta að til eru ótal afbrigði af hvítum og þótt litur heiti það sama á milli máln­ing­ar­fyr­ir­tækja þá er hann oft mjög mis­mun­andi og gott er að skoða hvaða und­ir­tóna hann hefur. Stundum er gaman að breyta til og mála í ein­hverjum spenn­andi lit og þá þarf ekki endi­lega að mála allt rýmið, einn veggur er oft nóg. Ekki er alltaf nauð­syn­legt að mála til að fá lit í til­ver­una því ýmsir skraut­munir eins og púðar og teppi geta líka verið í ótal lita­tónum; skærum eða daufum. Það sem er allra mik­il­væg­ast er hvernig litum er raðað saman, það getur stundum vaf­ist fyrir fólki og verið vanda­samt en hér eru nokkrar hug­myndir um hvernig hægt er að draga meiri lit inn í í til­ver­una.

Fag­ur­bláir lita­tónar í bland við aðra jarð­liti gefa svefn­her­berg­inu ferskan blæ. Mynd / Aldís Páls­dóttir

Fallegur plómu­rauður litur kemur vel út á gang­inum. Liturinn heitir Djúpur og er frá Slipp­fé­lag­inu. Mynd / Heiðdís Guðbjörg Gunn­ars­dóttir