Kathira­van Nara­yanan hefur blómstrað í starfi og einka­lífi síðan hann tók atvinnu­til­boði hjá líf­tækni­fyr­ir­tæk­inu Alvotech og sett­ist að á Íslandi ásamt fjöl­skyldu sinni árið 2017. Í byrjun gegndi hann stöðu deild­ar­stjóra fyr­ir­tæk­is­ins en starfar nú sem aðstoð­ar­for­stjóri yfir lyfja­fram­leiðslu Alvotech.

„Ég er virki­lega ánægður, bæði í vinnu og einka­lífi, þannig að ég er mjög ánægður að hafa fengið hér vinnu,“ segir Kathira­van Nara­yanan, eða Kathir eins og hann er gjarnan kall­aður í dag­legu tali.

Kathir starfar sem aðstoð­ar­for­stjóri yfir lyfja­fram­leiðsl­unni hjá líf­tækni­fyr­ir­tæk­inu Alvotech. Hann ólst upp í bænum Raya­kottai á Indlandi og starf­aði í rúman ára­tug hjá ind­verskum stór­fyr­ir­tækjum á sviði líf­t­tækni, áður en hann tók starfstil­boði hjá Alvotech árð 2017 og flutti hingað til lands með fjöl­skyldu sína, eig­in­konu sinni, Priya Jay­ara­man, og tveggja ára dóttur þeirra, Deekshita Kathira­van. Fyrir tæpum þremur mán­uðum eign­uð­ust þau síðan sitt annað barn, son­inn Shaam Kathira­van og líður vel á Íslandi.

Vilja hvergi annars staðar búa

Kathir segir að hann og fjöl­skylda hans hafi líka aðlag­ast vel íslensku sam­fé­lagi og vilji nú hvergi ann­ars staðar búa en á Íslandi. „Þegar við fluttum hingað þá var breyt­ingin fyrir okkur mikil. Þetta eru gjör­ó­líkir menn­ing­ar­heimar. Á Indlandi er líka mjög heitt en hér er kalt og miklar breyt­ingar á birtu­skil­yrðum eftir árs­tíðum. En við hjónin völdum að láta veðrið ekki trufla okkur. Þess vegna vorum við ekki kvíðin fyrir flutn­ingnum. Litum hann bara jákvæðum augum. Hér er allt svo hreint og ferskt, til dæmis vatnið, og manni finnst heilsu­sam­legt og mjög gott að búa hér. Fólkið er líka mjög almenni­legt. Það er bara mjög ánægju­legt að búa á Íslandi. Fyrir utan fjöl­skyld­una á Indlandi þá er ekk­ert sem við söknum þaðan,“ segir hann.

Vel hugsað um starfsfólkið

Í upp­hafi gegndi Kathir deild­ar­stjóra­stöðu hjá Alvotech en er nú eins og áður segir aðstoð­ar­for­stjóri yfir lyfja­fram­leiðsl­unni hjá fyr­ir­tæk­inu sem er með fjölda líf­tækni­lyfja í þróun og stefnir á að koma fyrsta lyf­inu á markað á næsta ári. Hann seg­ist vera mjög ánægður með þann árangur sem deildin hefur náð. „Fram­leiðslu­deildin hefur náð mjög góðum árangri og fyrir það er ég bæði stoltur og þakk­látur. Ég hef kunnað því mjög vel að starfa þar og það er ánægju­legt hversu vel er hugsað um starfs­fólk hér á landi,“ segir hann glað­lega.

Flestir vilja vera til frambúðar

Hjá Alvotech á Íslandi starfa vís­inda­menn og sér­fræð­ingar af 50 ólíkum þjóð­ernum. Fyrstu tvö árin hjá var Kathir hluti af fámennum hópi Indverja hjá fyr­ir­tæk­inu en nú eru Ind­verjarnir sem þar starfa orðnir yfir 40 tals­ins. „Það hefur auð­vitað haft jákvæð félags­leg áhrif því þessi stóri hópur er mér bein­tengdur. Þau hafa öll komið hingað því við tölum svo vel um Ísland. Þá hefur þetta líka haft jákvæð félags­leg áhrif fyrir kon­una mína sem hefur getað hjálpað kon­unum í hópnum að koma sér fyrir hér. Allur hóp­ur­inn er mjög ánægður hér og ég er sann­færður flestir úr hópnum komi til með að vilja vera hér áfram til fram­tíðar.“

Langar að verða Íslendingur

Sjálfur stefnir Kathir á að sækja um íslenskan rík­is­borg­ara­rétt innan fárra ára. Hann seg­ist líka ætla sér að ná betri tökum á íslensk­unni. „Í hrein­skilni sagt hef ég ekki haft nógu mik­inn tíma til að læra íslensk­una,“ játar hann, „en ég er með það mark­mið að bæta þar úr því eftir nokkur ár stefni ég á að sækja um rík­is­borg­ara­rétt. Mig langar til að verða Íslend­ingur. Eftir að ég kom hingað hef ég bæði þroskast mjög á mínu atvinnu­sviði en ég hef líka þroskast sem fjöl­skyldu­faðir. Það er mjög ánægju­legt að búa á Íslandi. Það er pínu kalt þar sem veðrið breyt­ist mjög hratt en hér er samt mjög gott að búa,“ segir hann og brosir.

Alvotech í sam­starfi við Stúdíó Birtíng.