7 ára stúlka brennd – Svaf á farsíma í hleðslu – MYNDIR

7 ára stúlka brennd­ist illa eftir að hafa sofnað á Samsung far­síma sem var í hleðslu. Stúlkan sem er búsett í Rio de Janeiro í Brasilíu ásamt for­eldrum sínum mun hafa tekið sím­ann af for­eldrum sínum meðan þau voru sof­andi.

For­eldrar stúlkunnar birtu mynd­irnar til að vara aðra við afleið­ing­unum. Stað­ar­mið­ill­inn Globo greinir frá og hefur eftir föð­urnum að dóttir hans hafi tekið síma móð­ur­innar í leyf­is­leysi meðan for­eldr­arnir sváfu. Stúlkan fór síðan í sitt her­bergi og var að leika sér í upp­á­halds öppum sínum í sím­anum.

Vel má merkja ummerki eftir far­sím­ann á baki stúlkunnar.

Stúlkan mun síðan hafa sofnað og legið ofan á sím­anum alla nótt­ina, en sím­inn var í hleðslu. Daginn eftir sáu for­eldr­arnir brunafar á dóttur sinni og héldu fyrst að hún hefði ekki þvegið sér nógu vel.

„Það var ekki fyrr en seinna um dag­inn sem við sáum að farið stækk­aði bara og átt­uðum okkur þá á því að það var eftir far­sím­ann,“ segir fað­ir­inn. Dóttirin mun hafa verið hrædd eftir atvikið og lofað að gera þetta aldrei aftur.

Fulltrúi Samsung segir að um leið og sím­inn berst til þeirra verði hann og atvikið skoðað nánar.

For­eldr­arnir birtu mynd­irnar til að vara aðra við.