María Rut og Ingileif gefa út barnabók: „Erum ekki að innræta börnum eitt eða neitt“

„Það er oft mik­ill ótti við það hjá sumu fólki að börn fái fræðslu um fjöl­breyti­leik­ann, en það er svo ótrú­lega til­hæfu­laus ótti. Það er ekki smit­andi að vera svona eða hinsegin og ætl­unin er ekki að inn­ræta börnum eitt eða neitt,“ segir Ingileif Frið­riks­dóttir, en í næstu viku kemur út ný barna­bók eftir Ingileif og Maríu Rut Krist­ins­dóttur, eig­in­konu hennar, sem kall­ast Vertu þú og er ætluð börnum.

Und­ir­tit­ill­inn, Litríkar sögur af fjöl­breyti­leik­anum, lýsir vel við­fangs­efn­inu. „Þetta er bók til­einkuð fjöl­breyti­leik­anum,“ útskýrir María Rut. „En hún fjallar ekki bara um fjöl­skyldur eða hinsegin veru­leika. Hún fjallar um það að við eigum að vera eins og við viljum vera. Við erum öll ólík og það er gott.“

„Það er nefni­lega ekk­ert hættu­legt að segja börnum að þau megi vera eins og þau eru, hafa áhuga á því sem þau hafa áhuga á, elska þann sem þau elska og klæða sig eins og þau vilja klæða sig. Okkar reynsla er sú að börn eru for­dóma­laus,“ segir Ingileif. „Þau læra svo af okkur full­orðna fólk­inu hvað þykir „skrýtið“ og „óeðli­legt“.

„Fordómar byggj­ast á fáfræði,“ bætir María Rut við, „og við trúum því af ein­lægni að með því að byrja snemma og tala um það við börnin okkar að við séum ólík þá getum við búið til pláss fyrir alla til að vera nákvæm­lega eins og þeir eru.“

Lestu við­talið í heild sinni hér.