Margrét Erla segir móður sína varasama um jólin

Margrét Erla Maack, fjöl­lista­kona og fram­kvæmda­stjóri Reykja­vík Kabarett, rifjar upp verstu jól ævi sinnar.

„Mamma mín, jóla­púk­inn, ákvað að það væri rosa­lega fyndið að setja pakka undir tréð sem átti að vera frá mann­inum sem ég var skotin í. Og hún leið­rétti það ekki fyrr en um klukkan tvö um nótt­ina, þegar ég var að sjálf­sögðu búin að segja öllum vinum frá. Sem betur fer var ég ekki búin að senda neitt á þennan mann. Jahérna,“ segir Margrét Erla, þegar hún er beðin að rifja upp verstu jól ævi sinnar.

Hún segir að þetta hafi verið vondur stingur í hjartað. „Að hann hefði svo ekk­ert gefið mér og að mamma mín væri svona mikið kvik­indi. Í dag finnst mér þetta óborg­an­lega fyndið, en verst er að ég hef ekki enn þá náð að hefna mín, núna, held ég, tíu árum síðar. Allar hug­myndir vel þegnar,“ segir hún og kímir.

„Allt fór vel að lokum og í end­ur­liti er þetta frá­bær jóla­saga sem er rifjuð upp hver ein­ustu jól. Og amma sagði: „Þú ert ekki reið við mömmu þína, heldur við hann fyrir að hafa ekk­ert gefið þér“.“

„Dróstu ein­hvern lær­dóm af þessu?“ getur blaða­maður ekki stillt sig um að spyrja og brosir út í annað munn­vikið. „Að vera á varð­bergi gagn­vart móður minni, sér­stak­lega í leynd­ar­mála­mán­uði.“