Eftir Ingrid Kuhlman

Þegar mikið er að gera og verk­efnin hlað­ast upp höfum við oft til­hneig­ingu til að pína okkur áfram. Í stað þess að líta upp með reglu­bundnum hætti sleppum við því að taka kaffi­hlé, snæðum sam­loku við skrif­borðið í hádeg­inu á meðan við svörum tölvu­póstum og forð­umst að verja dýr­mætum tíma í spjall við vinnu­fé­lag­ana. Þetta er ekki besta leiðin til að takast á við vinnu­á­lag. Norsk rann­sókn sýndi sem dæmi að fólk sem vinnur óslitið er sjö sinnum lík­legra til að glíma við and­lega og lík­am­lega kvilla en þeir sem taka reglu­leg hlé yfir dag­inn. Fólki í fjar­vinnu er sér­stak­lega hætt við að sitja of lengi við. Hádegið er full­kom­inn tími til að næra sig og gefa heil­anum hvíld fjarri vinnu­stöð. Fyrir þá sem sitja fyrir framan skjá megnið af deg­inum er þar að auki nauð­syn­legt að hvíla augun. Regluleg hlé auka afköst og úthald en það skiptir máli hvernig við verjum þeim.

*Betra er að taka nokkrar styttri pásur fyrir hádegi en eina langa eftir hádegi. Rann­sóknir sýna að þannig náum við að við­halda og end­ur­heimta and­lega og lík­am­lega orku.

*Forðumst það í pásum að sinna verk­efnum sem krefj­ast and­legrar orku svo sem að skoða per­sónu­lega tölvu­pósta og sam­fé­lags­miðla eða vafra um á net­inu. Jafnvel þó að þessi atriði séu ekki vinnu­tengd eyða þau orku þar sem heil­inn fær ekki nauð­syn­lega hvíld.

*Gott er að hlaða batt­er­íin með því að eiga sam­veru­stund með vinnu­fé­lög­unum. Rann­sóknir sýna að mann­leg sam­skipti eru áhrifa­rík­ari leið til að draga úr til­finn­inga­legri þreytu en að skoða sam­fé­lags­miðla.

*(Teygju)æfingar, önd­unaræf­ingar eða stuttur göngutúr í hádeg­inu geta gefið orku og í raun­inni meiri orku en að sitja fyrir framan skjá­inn og horfa á upp­örvandi mynd­band. Tölvu­for­ritið Teygju­hlé, sem hægt er að sækja á síðu Embættis land­læknis, getur aðstoðað við að minna mann á að taka reglu­lega hlé frá tölv­unni eða annarri kyrr­setu og teygja úr sér.

*Gott er að æfa sig í því að vera í núinu á milli verk­efna, t.d. á leið­inni inn í fund­ar­her­bergið, á meðan beðið er eftir kaff­inu eða áður en starfs­manna­fund­ur­inn hefst.

*Hug­leiðsla í nokkrar mín­útur getur gert krafta­verk í því að minnka streitu og fylla á and­legu birgð­irnar. Með því að staldra við og draga djúpt and­ann náum við að núll­stilla hug­ann.

Grein­ar­höf­undur er fram­kvæmda­stjóri Þekk­ing­ar­miðl­unar, FKA-kona, og með meistara­gráðu í hag­nýtri jákvæðri sál­fræði.