Eftir Kristínu Snorra­dóttur

Gildi segja til um hver þú ert og hvað þú vilt standa fyrir. Oft er fólk ekki með­vitað um gildi sín og stundum veit fólk ekki hvaða gildi það vill til­einka sér. Já maður getur til­einkað sér góð gildi eða slæma hegðun.

Með því að skoða þig út frá þeim hlut­verkum sem þú gegnir í líf­inu er gott að skoða: „hvaða gildi vil ég hafa að leið­ar­ljósi?“

Til dæmis hlut­verkið móðir, hvaða gildi hefur þú að leið­ar­ljósi í upp­eldi barna þinna? Eru það gildi sem þú vilt inn­ræta hjá þeim með þá von í brjósti að þeim vegni vel í líf­inu eða þau verði kær­leiks­rík eða fylgin sér og þori að fara sína leið í líf­inu.

En sem yfir­maður hvaða gildi hefur þú í því hlut­verki? Hvað skiptir þig máli sem stjórn­andi og hvað viltu inn­leiða í þinn hóp?

Sem vinur eða vin­kona eða maki eða kona eða maður eða….

Gildi hafa marg­svís­legan ávinn­ing fyrir mann sjálfan og umhverfið og þegar maður virki­lega fer að skoða gildi út frá því hvað er það sem ég vill standa fyrir og hverju vill ég að það skili til þeirra sem eru í nærum­hverfi mínu.

Lifi ég raun­veru­lega eftir þeim gildum sem mér finn­ast eft­ir­sókn­ar­verð eða er ég að setja upp falska sjálfs­virð­ingu með flottum frösum og því að setja mig á stall.

Öll góð gildi hafa and­stæðu sem telst þá til slæmrar hegð­unar og til þess að til­einka sér gildi þarf að skoða and­stæð­una af fullum heið­ar­leika.

Að skoða sjálfan sig raun­veru­lega krefst hug­rekkis, því maður getur fundið hjá sér eitt­hvað sem maður vill ekki játa en með því að virki­lega fara inn á við og skoða sig í fullum heið­ar­leika og velja sér þau gildi sem þú kýst að til­einka þér og lifa eftir þá færðu tæki­færi til þess að móta þá mann­eskju sem þú vilt verða. Fyrsta skrefið í átt að stóra mark­mið­inu sönn sjálfs­virð­ing er að horfast í augu við sig, sem sagt plúsa og mínusa, nýta plús­ana til að byggja upp mínus­ana eða taka þá út og þar kemur gild­is­vinna mjög sterk inn.

Dæmi:

Heið­ar­leiki „hvít lygi er hún ekki ok ?“

Hlutir eins og að tala um aðra að þeim fjar­stöddum, láta sem þú búir yfir þekk­ingu um allt og á öllu til að fela þekk­ing­ar­leysið, keyra of hratt, segja að hlutir kost­uðu minna en þeir gerðu til að öðl­ast aðdáun ann­ara á snilld­ar­kaupum. Veit eng­inn hvort eð er að þetta eru litlar lygar!

Til þess að geta gert heið­ar­leika að grunn­gildum þarf fyrst að horfast í augu við eigin óheið­ar­leika, gera hreint fyrir sínum dyrum og hefja svo heið­ar­legan lífstíl, ALLTAF líka þegar það var erfitt að vera heið­ar­leg/ur.

Gildi verða að vera heil og sönn til þess að geta kall­ast gildi og trúið mér sjálfs­myndin stækkar marg­falt við að takast á við sjálfan sig og vinna að því að verða sú sem þú vilt vera SANNARLEGA.

Höfundur er Acc vott­aður mark­þjálfi og félags­kona í FKA