„Þetta er stór­kost­leg stund. Við erum að marg­falda húsa­kost­inn okkar og bæta mjög allt öryggi íbúa hér á Flateyri. Sagði Magnús Einar Magn­ús­son for­maður björg­un­ar­sveit­ar­innar Sæbjargar á Flateyri.

Björg­un­ar­sveitin tók í notkun nýtt og glæsi­legt hús­næði undir starf­semi sína á laug­ar­dag­inn. 

Frá vigsl­unni um helg­ina.

Mynd: Guð­mundur Jón Sig­urðs­son.

„Þetta er svo miklu meira en bara athvarf fyrir björg­un­ar­sveit­ina, hér verður heilsu­gæslan með starf­stöð opna einn dag í viku auk þess sem hér eru neyð­ar­byrgðir til að mæta slysum og áföllum þegar ófært er til og frá þorp­inu. Það eykur mjög allt öryggi okkar íbú­anna“. 

Það vakti athygli lands­manna þegar stúlka bjarg­að­ist úr snjó­flóði, sem féll á byggð­ina í jan­úar 2020, að ekk­ert var til af sjúkra­gögnum í þorp­inu. Heilsu­gæslan hafði fjar­lægt allt slíkt af staðnum, en nú hefur verið úr því bætt.

Mann­fjöldi var við opnun þess­arar björg­un­ar­mið­stöðvar sem hýsir líka slökkvi­liðið á staðnum auk björg­un­ar­sveitar og heilsu­gæslu.

Vígslan var sann­kölluð hátíð með veislu­borði og og árn­að­ar­óskum. Björg­un­ar­menn úr nágranna­byggðum voru við­staddir vígsl­una auk fjölda gesta. Fjölnir Ásbjörns­son sókn­ar­prestur vígði björg­un­ar­mið­stöð­ina sem hlaut nafnið Guðnabúð eftir Guðna Guðn­a­syni sem kom mjög að end­ur­reisn sveit­ar­innar eftir ris­lít­inn tíma í starfi hennar.

„Það er mik­ill kraftur í starf­inu hjá okkur núna, við erum 20 sem erum virk sem verður að telj­ast nokkuð gott í 200 manna sam­fé­lagi. 

Guðnabúð á Flateyri.

Starfið er öfl­ugt og fjöl­breytt því við erum með sjó­inn á aðra hönd og fjöllin á hina, það eru því hættur á bæði borð. Fjöllin hafa verið okkur erf­ið­ust síð­ustu ár, snjó­flóð hafa verið að falla hér yfir þorp­inu og veg­inum um Hvilft­ar­strönd­ina.

Fyrsta snjó­spýja hausts­ins kom í sept­em­ber sem er óvenju snemmt en svo hafa verið að koma smærri flóð síðan, síð­ast nú í nótt eða morgun þannig að við þurfum að vera vel búin og á varð­bergi.

Við erum glöð með að byrjað er að vinna við snjó­flóða­varn­irnar sem brugð­ust 2020 þannig að við erum á mikið réttri leið hérna,“ segir þessi bjart­sýni og knái leið­togi björg­un­ar­fólks á Flateyri.