Smitum hefur fjölgað ört á Aust­ur­landi að und­an­förnu og hafa nú þegar yfir 500 manns farið í sýna­tökur eftir að aðgerða­stjórnin á Aust­ur­landi hvatti til þess. En það kom­ast ekki allir í sýna­töku.

„Mér finnst það umhugs­un­ar­efni að hvetja alla til að fara í próf til öryggis en gefa ekki öllum kost á því í raun og veru,“ segir Jóhanna Smára­dóttir, leik­skóla­kenn­ari á Eyr­ar­völlum í Nes­kaup­stað í við­tali við Aust­ur­frétt í dag.

Er hún ein margra sem gagn­rýnt hafa það að nú þegar smitum hefur fjölgað jafn ört og raun ber vitnis á Aust­ur­landi, sér­stak­lega í Fjarða­byggð, geti sumt skóla­starfs­fólk ekki farið í sýna­töku. Ástæðan er sú að þá þyrfti að loka skól­unum á meðan. Aðeins var boðið upp á sýna­tökur á Egils­stöðum, Eski­firði og Reyð­ar­firði og þá bara í skamman tíma. Aðgengi að sýna­töku er enn minna í dag þar sem þær eru ekki í boði á Eski­firði.

„Við hér höfum mik­inn áhuga að kom­ast í sýna­tökur en komumst hrein­lega ekki því skól­arnir verða að vera opnir. Það er heldur ekki jákvætt að leyfa hluta starfs­fólks að fara í próf en hinum ekki því það getur valdið kergju. Maður hefði haldið miðað við alvar­leika máls­ins nú og grun um að margir ein­kenna­lausir beri veiruna þá væri gert sér­stakt átak að auð­velda aðgengi að sýna­tökum.“