„Vinnu­brögð þeirra sem sjást í mynd­band­inu eru ekki eft­ir þeim stöðlum sem við vilj­um halda,“ sagði tals­maður Swis­sport fyr­ir­tæk­is­ins í til­kynn­ingu sem það sendi út eftir að mynd­band fór á flug á Tiktok. Í því má sjá flug­vall­ar­starfs­menn hrein­lega henda töskum á færi­bandið.

Mynd­bandið sýnir starfs­menn kasta hverri tösk­unni á fæt­ur ann­arri á færi­bandið án þess að bera nokkra virð­ingu fyr­ir því sem gæti verið í tösk­un­um. Þeir voru við störf fyrir Swissport á flug­vell­in­um í Mel­bour­ne í Ástr­al­íu og voru sendir í leyfi um nýlið­ina helgi eftir að mynd­bandið fór á lfug á sam­fé­lags­miðlum.

„Swis­sport þjálf­ar og sér til þess að allt starfs­fólk af­greiði far­ang­ur við­skipta­vina af kost­gæfni og var­kárni. Vinnu­brögð þeirra sem sjást í mynd­band­inu eru ekki eft­ir þeim stöðlum sem við vilj­um halda,“ segir í til­kynn­ingu Swissport.

Mynd­bandið af með­ferð far­ang­urs­ins má sjá hér fyrir neðan.