Dómstóll í Ussuriisk í Rússlandi, hefur nú framlengt nauðungarvistun sjamans frá Yakut, á geðdeild en hann var handtekinn og sendur í slíka vistun árið 2021.
Sjamaninn eða töfralæknirinn Aleksandr Gabyshev, lagði af stað gangandi til Moskvu-borgar frá Síberíu árið 2019 en tilgangurinn með henni var að hrekja Vladimír Pútín frá Kremlin, með þessum mótmælum. Vakti ganga hans mikla athygli í Rússlandi en lögreglan stöðvaði för hans reglulega þar til honum var komið fyrir í nauðungarvistun á geðdeild árið 2021. Lögmaður hans, Aleksei Pryanishnikov sagði fjölmiðlum frá því í gær að rétturinn hafi ákveðið að framlengja nauðungarvistunina fram að miðjum júní. Sagði hann einnig að rétturinn hafi neitað beiðni verjanda sjamans um að hann yrðri skoðaður af geðlæknum á Serbsky læknastofunni í Moskvu.
„Við teljum að læknar á geðlækningastofunni í Ussuriisk séu að komast að óhlutbundnum niðurstöðum um félagslegan ósamrýmanleika Gabyshevs, þegar þeir réttlæta nauðsyn þess að framlengja meðferð hans. Á sama tíma eru þeir sammála um að hann hafi ekki látið í ljós neina árásargirni, hvorki í garð sjálfs sín né annarra,“ sagði lögmaðurinn.
Síðast var meðferðinni framlengt í október.
Gabyshev var stöðvaður trekk í trekk af yfirvöldum árið 2019 er hann hóf göngu sína frá Síberíska heimasvæði sínu í lýðveldinu Sakha, sem er stærsta umdæmi Rússlands. Hóf hann gönguna með hinn opinbera tilgang að hrekja Pútín frá völdum. Árið 2021 var hann svo sendur í nauðugarvistun eftir að dómsstóll hafði dæmt hann „andlega óhæfan“.
Við yfirheyrslu var hann sakaður um að hafa framið „ofbeldisbrot gegn lögreglumanni“, er hann var fjarlægður gegn vilja sínum og sendur í geðrannsókn, í janúar 2021. Lögfræðingar og stuðningsmenn Gabyshevs mótmæltu úrskurðinum og segja að kyrrsetning hans sé tilraun til að þagga niður andóf.
Mannréttindasamtökin The Memorial Human Rights Center í Rússlandi segja Gabyshev vera pólitískan fanga og Amnesty International hefur hafið átak þar sem kallað er eftir því að honum verði sleppt.
Sjamanar hafa þjónað samfélögum í Síberu um aldri, sem heilarar og spásagnarmenn. Á Sovíet-tímanum voru dulspekingar bældir niður en í nokkrum einagruðum svæðum Síberu hafa þeir verið að ná aftur vopnum sínum.
Það var Radio Free Europe sem sagði frá þessu máli.
Mótmæli
Slóvakar minnast morðsins á rannsóknarblaðamanninum Ján Kuciak: „Slóvakía er Evrópa“
Aðalmeðferð máls mótmælenda gegn íslenska ríkinu hefst á föstudag – Hvetja fólk til að fjölmenna
Dansari truflaði atriði Kendrick Lamar með fána Palestínu og Súdan – MYNDSKEIÐ
Fimm samtök boða mótmæli við bandaríska sendiráðið: „Ofbeldið læðist að okkur eins og þoka“
Fjölmargir mættu á kröfufund til stuðnings Palestínu: „Helför Ísraels á Gaza verður að stöðva!“
Athugasemdir