Hunangs kanil kaka
Þessi upp­skrift er sér­stak­lega auð­veld þar sem til­búið kökumix er notað við bakst­ur­inn. Hún er til­valin fyrir afmæli eða bröns en blandan af hun­angi, kanil og vanillu gerir hana ein­staka.

Hráefni:
1 kassi ljóst kökumix

4 stór egg

¾ bolli jurta­olía

1 bolli sýrður rjómi

2 msk hun­ang

Fyrir miðju­lag/fyll­ingu:

1 bolli ljós púð­ur­sykur

2 tsk mal­aður kanill

½ bolli pek­an­hnetur saxaðar(má sleppa)

Fyrir gláann:

1 bolli flór­sykur

1 mat­skeið mjólk

1 tsk vanillu­dropar

Aðferð:
1. Forhitið ofn­inn í 160°C og smyrjið sirka 22×33 cm eld­fast mót með smjöri. Leggið til hliðar.

2. Í stórri skál, bland­aðu kökumix­inu saman við egg, jurta­olíu, sýrðan rjóma og hun­ang. (best er að nota hræri­vél eða hand­þeyt­ara) Hellið helm­ingnum af köku­deig­inu í til­búið form.

3. Blandaðu púð­ur­sykri saman við kanil og saxaðar pek­an­hnetur í skál og stráið blönd­unni yfir köku­deigið. Hellið svo afgang­inum af köku­deig­inu yfir kanilpek­an­blönd­una. Lagið af köku­deig­inu verður þunnt, svo þú þarft spaða til að dreifa því var­lega út.

4. Bakið í for­hit­uðum ofni í 35-40 mín­útur. Meðan kakan er í ofn­inum er til­valið að búa til gljá­ann.

5. Blandið flór­sykri saman við mjólk og vanillu­dropa í skál. Þegar þú tekur volga kök­una úr ofn­inum skaltu hella gljá­anum beint á hana. Látið stífna og kök­una kólna, skerið síðan í sneiðar og berið fram.