Hinn umdeildi og víða þekkti Andrew Tate, að öðru nafni „Top G“ er kominn aftur á Tik-Tok eftir langt bann. Tate hefur verið umdeildur frá upphafi „yfirtöku“ hans á internetinu. Hann var einn af umdeildustu mönnum árið 2022.
Fyrrum sparkboxarinn hóf Tik-Tok feril sinn snemma árs 2022. Þar birti hann myndbönd af skoðunum sýnum á kynjahlutverkum sem mörgum fannst lýsa kvenhatri. Hann varð fljótlega mjög óvinsæll hjá flestum en þó ekki hjá markhóp Tate, sem voru unglingsdrengir.
Andrew Tate birti færslu í Telegram hóp hans að hann sé kominn aftur á Tik-Tok undir nafninu „Scholaresists“. Segir hann í sömu færslu „Sjáum hversu hratt TikTok bannar mig.“
Eins og er hefur hann aðeins birt eitt myndband á TikTok sem sýnir hann stunda hraðakstur í Dubai. Segir hann að við megum búast við miklu frá honum á næstu dögum.
Tate, fyrrum atvinnumaður í sparkboxi, hefur verið búsettur í Rúmeníu síðan 2017. Hefur hann verið bannaður á flestum samfélagsmiðlum fyrir að sýna kvenhatur og stunda hatursorðræðu.
Þann 29. desember í fyrra var hann og Tristan bróðir hans handteknir í Rúmeníu grunaðir um mansal, nauðgun og fyrir að stofna skipulagðan glæpahóp, að sögn saksóknara. Hann hefur síðan setið í gæsluvarðhaldi en 31. mars var hann látinn laus og gert að sæta stofufangelsi. Hann hefur ítrekað haldið því fram að rúmenskir saksóknarar hafi engar sannanir og sagt að mál þeirra sé „pólitískt“ samsæri sem ætlað er að þagga niður í honum.
Hér fyrir neðan má sjá tíu af umdeildustu staðhæfingar Tate.
- „Mér finnst konur tilheyra körlum.“
- „Konur eru hið fullkomna stöðutákn. Fólk heldur að ég sé með þessum hórum vegna þess að ég hef gaman af kynlífi. Það hefur ekkert að gera með ástæðuna fyrir því að ég sé með þessar tíkum. Ég fékk þessar tíkur bara svo allir vissu hver ég væri.“
- „Ég fer út að ríða og kem aftur til hennar og mér er alveg sama um hana. Ég elska bara stelpuna mína. Það er ekki framhjáhald, það er æfing.“
- „Þunglyndi er ekki raunverulegt. Ef þú finnur fyrir sorg, þá heldurðu áfram. Þú verður alltaf þunglyndur ef líf þitt er niðurdrepandi. Breyttu því.“
- „Karlar mega halda framhjá, konur ekki.“
- „Þú getur ekki borið ábyrgð á einhverju sem hlustar ekki á þig. Þú getur ekki borið ábyrgð á hundi ef hann hlýðir þér ekki, eða barni ef það hlýðir þér ekki, eða konu sem hlýðir þér ekki.“
- „Ef þú átt ekki Lambo, þá éturðu skít.“
- „Ég kallaði þennan vírus [COVID-19] gabb frá upphafi og allir kölluðu mig geðveikan. Veiran er ekki raunveruleg. Það er vírus, já. Er hann banvænn? Nei. Eru það viðeigandi viðbrögð að leggja niður hagkerfið? Alls ekki. Trúðaheimur.“
- „Ef þú ert vinur minn geturðu bara ekki verið píka. „Ó nei, ég fékk hjartaáfall“, stattu upp. Fjandinn er að þér? Farðu á spítalann seinna. Fáðu þér drykk, sígarettu, kaffibolla. Fjandinn að fá hjartaáfall nálægt mér, litla píkan þín.“
- „Ég mun ekki eiga nörd sem barn. Ég neita að láta nörd bera nafnið Tate. Ef sonur minn er nörd, þá þarf annar okkar að deyja, hann eða ég og ég skora á hann í dauðann.“
Athugasemdir