Fólk ætti að búa sig undir aðra veiru sem er „jafn­vel ban­vænni“ en Covid-19, segir for­stjóri Alþjóða­heil­brigð­is­mála­stofn­un­innar. Mirror segir frá.

Dr. Tedros Adhanom Ghebr­eyesus, for­stjóri Alþjóða­heil­brigð­is­mála­stofn­un­innar, segir á fundi stofn­un­innar í Geneva að fólk verði að læra af Covid og gera sig reiðu­búið fyrir annan ban­vænan sjúk­dóm.

„Heim­ur­inn var óund­ir­bú­inn fyrir Covid-19 heims­far­ald­inn mikla, alvar­leg­ustu heil­brigðiskrepp­una í heila öld,“ segir Dr Tedros.

Hann segir heim­inn kom­inn úr „löngum dimmum göngum“ eftir að heims­far­ald­ur­inn skall á. „Heims­far­ald­ur­inn hefur valdið alvar­legri truflun á heil­brigð­is­kerfum og alvar­legu efna­hags­legu, félags­legu og póli­tísku umróti. Covid-19 hefur breytt heim­inum okkar, og það með réttu.“

Dr. Tedros segir „jafn­vel hættu­legri“ sýkil vænt­an­legan. „Ógnin um að annað afbrigði komi fram sem veldur nýrri hættu og dauða er enn til staðar. Og ógnin um að annar sýk­ill komi fram með enn ban­vænni útkomu er enn til staðar,“ segir hann. „Við getum ekki frestað und­ir­bún­ingi, ef við gerum ekki þær breyt­ingar sem þarf að gera, hver gerir það þá?“

Segir hann enn­fremur að Covid hafi verið martröð sem fólk hefur verið vakið úr, hann segir fólk ein­fald­lega ekki geta haldið áfram eins og áður. „Ef við grípum ekki til aðgerða núna, hvenær gerum við það? Þegar næsti sjúk­dómur birt­ist, og það mun hann gera, verðum við að vera til­búin til að svara með afger­andi hætti, sam­eig­in­lega og á sann­gjarnan hátt.“

„Nú er augna­blikið til að horfa til baka og minn­ast myrk­urs­ins og síðan horfa fram á við og stíga skref fram á við í átt að ljós­inu sem kenndi okkur margar sárs­auka­fullar lex­íur,“ sagði Dr. Tedros að lokum.