Elon Musk birti tíst í fyrradag þar sem hann lofar notendum samfélagsmiðilsins sem fyrrum var þekktur sem Twitter að greiða allan lögfræðikostnað vegna mála sem gætu komið upp í tengslum við vinnuveitendur sína vegna efnis sem þeir birta á Twitter.
Ennfremur bætir hann við að það séu „Engin takmörk. Látið okkur vita.“
Ætla má að með þessari færslu sinni sé Musk að hvetja fólk til að sitja ekki á skoðunum sínum á miðlinum, sama hverjar þær gætu verið og kemur þetta í kjölfar þess að fjölmargir aðilar sem áður höfðu verið í banni eru nú aftur gjaldgengir á miðlinum eftir að Musk keypti samfélagsmiðlarisann.
Fjölmargir hafa skrifað við færsluna, þar á meðal Donald Trum yngri sem segir einfaldlega „Ég er með eitt stórt fyrir þig. Hvert sendi ég reikninginn?“.
Af þeim 27 þúsund manns sem hafa sett niður quote eru ansi margir sem segjast vera gjaldgengir og því má búast við því að reikningadeildin hjá X muni hafa í nógu að snúast á næstunni.
Athugasemdir