Fimmtán ára stúlka myrt á leið sinni í skólann: „Versta martröð allra foreldra“

Fimmtán ára stúlka var stungin til bana á leið sinni í skól­ann í Croydon, suður Lundúnum.

Samkvæmt frétt BBC umkringdu lög­reglu­bílar og sjúkra­bíll tveggja hæða stræt­is­vagn í Wellesley-vegi, nærri Whitgift Centre, í kjöl­far árás­ar­innar um klukkan 8:30 í morgun.

Sautján ára ung­lings­piltur, sem tal­inn er þekkja fórn­ar­lambið, var hand­tek­inn stuttu eftir að stúlkan lést klukkan 09:21.

Í yfir­lýs­ingu Old Palace of John Whitgift skól­ans seg­ist skól­inn vera í „djúpu áfalli.“

Einka­rekni stúlkna­skól­inn í Croydon sagði að fórn­ar­lambið hefði verið „mjög elskuð og vel met­inn vinur og nem­andi.“ „Það mun taka nokkurn tíma fyrir Old Palace-sam­fé­lagið að átta sig á þessum hræði­legu fréttum og við munum bjóða nem­endum okkar hjálp. Umfram allt, sendum við ást okkar og dýpstu sam­úð­ar­kveðjur til fjöl­skyldu stúlkunnar á þessum ólýs­an­legu erf­iðu tímum. “

Andy Brittain, stað­geng­ill Met lög­reglu­stjór­ans, sagði við fjöl­miðla að málið væri „versta martröð allra for­eldra. Ég veit að þeir lög­reglu­menn sem mættu fyrstir á vett­vang, ásamt öðrum við­bragðs­að­ilum, eru algjör­lega nið­ur­brotnir vegna dauða fórn­ar­lambs­ins.“

Mynd: Trausti Haf­steins­son

Sagði hann að lög­reglu­menn­irnir hafi verið komnir á vett­vang innan tveggja mín­útna frá því að til­kynn­ing um árás­ina barst. Þeir hafi veitt fyrstu hjálp.

„Innan 75 mín­útna var 17 ára drengur hand­tek­inn í New Add­ington og er enn í varð­haldi,“ bætti hann við.

Lög­reglan stað­festi einnig á blaða­manna­fund­inum að ekki væri verið að leita að öðrum ein­stak­lingi í tengslum við árás­ina.

Hvítt rann­sókn­ar­tjald var sett upp í morgun við morð­stað­inn en fjöldi blóma hafa verið lögð við hlið tjalds­ins. Þá hefur lög­reglan einnig sett upp rautt lím­band í kringum stræt­is­vagn­inn og fjöldi lög­reglu­manna hefur verið á staðnum í allan dag.

Mynd: Trausti Haf­steins­son

Eitt vitni sagð­ist hafa séð bíl­stjóra stræt­is­vags­ins og konu reyna að end­ur­lífga stúlk­una á gang­stétt fyrir utan stræt­is­vagn­inn. Vitnið, sem vill aðeins koma fram undir nafn­inu Bridget sagði: „Ég var í vagn­inum áður og sá þau reyna að end­ur­lífga hana. Bíl­stjór­inn var að halda henni ásamt konu. Við­bragðs­að­ilar voru svo mættir fljót­lega.“

 Anthony King, sem vinnur með ung­mennum í hverf­inu, ræddi við BBC Radio London en hann heldur utan um sam­tök sem vinna að því að draga úr glæpum í Croydon-hverf­inu. Sagði hann í við­tal­inu að hann hafi hitt vini og fjöl­skyldu­með­limi stúlkunnar í kjöl­far árás­ar­innar. „Þetta er í fjórða eða fimmta skiptið sem ég hef þurft að horfa í augu for­eldra og segja þeim að barnið þeirra hafi dáið. Þetta er versti dagur lífs mín og ég get ekki ímyndað mér hvernig til­finn­ingin er fyrir for­eld­rana. Hávaðinn og öskrin sem ég heyrði í morgun mun sitja á sál minni að eilífu. Hafið fjöl­skyld­una í huga ykkar og bænum.“ Bætti hann við að 22 mán­uðir séu síðan ung­lingur var myrtur í Croydon.

Morðið í morgun er fimmt­ánda ung­lingamorð árs­ins í land­inu en í fyrra voru þau fjórtán tals­ins.

Samkvæmt gögnum Met-lög­regl­unnar voru fleiri hnífa­árásir í Croydon en í nokkrum öðrum hvefum Lundúna, frá ágúst 2022 til ágúst 2023.

Georgina Slater, íbúi í Croydon, sagði BBC að morðið sé „algjör­lega við­bjóðs­legt og sé að ger­ast allt of oft á þessu svæði. Ég skil ekki hvernig lítil stúlka getur verið stungin svo snemma morg­uns.“ Bætti hún við: „Ég veit ekki hvað lög­reglan er að gera … þau [fórn­ar­lömbin – inn­skot blaða­manns] eru bara að yngj­ast. Við þurfum inn­grip, við þurfum hluti fyrir börnin, þau hafa enga leið­sögn. Lög­reglan mætir þegar þetta er skeð – hvar er inn­gripið í skól­unum?“

Georgina Slater

Mynd: Trausti Haf­steins­son

Annar veg­far­andi, Christopher Ita sagði við BBC: „Þetta mun ger­ast aftur í næstu viku og í næsta mán­uði, þetta verður bara ein­hver annar.“

Borg­ar­stjóri Lundúna, Sadiq Khan sagð­ist vera „algjör­lega hrygg­brot­inn“ vegna morðs­ins og biðl­aði til vitna en bætti við að hann væri í sam­skiptum við lög­reglu­stjóra höf­uð­borg­ar­svæði Lundúna, Sir Mark Rowley. „Ég lofa því að halda áfram að vinna dag og nótt að því að enda þá plágu hnífa­árása sem plagar borg­ina okkar,“ sagði Khan í við­tali við útvarps­stöð­ina Greatest Hits Radio.

Sarah Jones, þing­kona Croydon Central, sagði: „Ég er nið­ur­brotin yfir því að barn í bænum mínum hafi verið myrt á leið sinni í skól­ann.“ Þakkaði hún lög­regl­unni og sjúkra­liðum fyrir snögg við­brögð og til­raunir til að bjarga lífi stúlkunnar.