Unglingsstúlkan sem stungin var til bana fyrir utan verslunarmiðstöð í Lundúnum í gær, hét Eliyanna Andam.
Sjá einnig: Fimmtán ára stúlka myrt á leið sinni í skólann: „Versta martröð allra foreldra“
Stúlkan, 15 ára, varð fyrir hnífaárásinni þar sem hún var að stíga úr strætisvagni í Croydon-hverfinu í Suður-Lundúnum. Sautján ára drengur var handtekinn stuttu síðar og er enn í haldi lögreglu en í morgun átti að yfirheyra hann vegna málsins.
Eliyanna var nemandi í Old Palace of John Whitgift-skólanum, sem er einkarekinn stúlknaskóli í Croydon-hverfinu. Blóm og samúðarkort hafa verið lögð á vettvang glæpsins frá því í gærmorgun en stúlkan var afar vel liðin en henni hefur meðal annars verið lýst sem „algjörlega ótrúleg“ með „bjarta framtíð“ framundan.
Frænka Eliyönnu opnaði sig um málið í morgun þar sem hún sagði frænku sína hafa „farið í skólann en ekki komið aftur heim“. Frænkan sagði við Mirror að Eliyanna hafið „viljað verða lögmaður“ en hún var afar góður nemandi og fimleikakona.
Eliyanna hefur verið hyllt á samfélagsmiðlum en ein manneskja skrifaði: „Ég get ekki einu sinni reynt að ímynda mér hvað foreldrarnir eru að ganga í gegnum núna, allur heimur þeirra hefur breyst að eilífu“. Önnur skrifaði: „Hvíldu í friði gæskan mín – hafðu það gott í himnaríki“.
Réttarlæknateymi lögreglunnar á höfuðborgarsvæði Lundúnarborgar sáust setja handrituð skilaboð í sönnunargagnapoka á vettvangi. Skilaboðin, sem voru hripuð niður á umslag voru eftirfarandi: „Ég elska þig svo mikið og ég hef aldrei hitt nokkurn með betra bros og betri augu og þú. Þú ert einstök stelpa … prinsessa.“ Ekki hefur verið staðfest hver skrifaði skilaboðin.
Athugasemdir