Ísraelsher hefur lýst yfir hættuástandi vegna yfirvofandi stríðs eftir að Hamasliðar lýstu yfir ábyrgð á hrinu eldflauga sem skotið var á Ísrael nú í morgun og hvöttu jafnframt til aðgerða. Minnst ein kona er látin og 15 særðir eftir árásirnar.
Eldflaugaárásirnar eru sagðar hafa staðið yfir í um þrjá tíma eftir að fyrstu flaugarnar lentu á skotmörkum sínum klukkan hálf fjögur í nótt.
Varnarlið Ísraelsmanna, IDF, staðfestir þetta.
Efni af samfélagsmiðlum sýnir vopnaða menn á pallbílum aka um götur í Ísrael en sjaldgæft er að skæruliðar brjóti sér leið í gegnum um víggirðingar Ísraelsmanna.
Í tilkynningu segir einn stríðsleiðtoga Hamas, Muhammad Al-Deif, Ef þú átt byssu, sæktu hana. Nú er tíminn til að nota hana – grípið til trukka, bíla og axa því í dag hefst hinir æruverðugustu sögulegu tímar
Hann kallaði aðgerðirnar Al-Aqsa Storminn og bætti við að Hamas hefði 5000 eldflaugum beint að flugvöllum og hernaðarlega mikilvægum skotmörkum og árásirnar væru andsvar þeirra vegna árása á konur, vanhelgun Al-Aqsa moskunnar í Jerúsalem og viðvarandi umsátri Ísraelsmanna um Gazasvæðið.
Isaac Herzog, forseti Ísrael, lýsti ástandinu sem erfiðu á samfélagsmiðlinum X og sendi herliði landsins, viðbragðsaðilum og íbúum hvatningu sína og styrk.
Athugasemdir