Í síð­asta mán­uði var Tyreek Hill, sem leikur með Miami Dolphins í NFL deild banda­ríska fót­bolt­ans, að streyma á Twitch en þar lét hann hafa það eftir sér í sam­tali við annan leik­mann deild­ar­innar, Mike Evans, að eftir að íþrótta­ferli hans lyki ætl­aði hann lóð­beint í klámið.

„Nei, þegar ég hætti langar mig virki­lega að verða klám­stjarna, bróðir. Mér er dauð­ans alvara. Heldurðu að ég ráði ekki við það?“

Hann dró svo orð sín til baka stuttu seinna og sagði að þetta hafi verið algert grín; hann myndi ekki taka þátt í klámi hvorki nú né síðar.

En þá er sagan ekki öll sögð því klám­iðn­að­ur­inn komst á snoðir um meint áform kappans og klám­síð­urnar Naughty America, ThePorndude og xHam­ster voru snöggar til að lýsa yfir stuðn­ingi sínum.

Tals­maður Naughty America lýsti því enn­fremur yfir að þar á bæ vildu þau búa til klám-heil­mynd af Tyreek og bætti við að leikkon­urnar Nikki Benz og Richelle Ryan vildu ólmar vinna með honum.

„Ég er viss um að hann þarf enga þjálfun og myndi standa fyrir sínu.“

Þrátt fyrir að Hill hafi sagst vera að grín­ast er ljóst að honum stendur í það minnsta til boða að ljúka ferl­inum með neglu.