Yfirvöld í Japan hafa gefið út flóðbylgjuviðvörun eftir að jarðskjálfti af stærðinni 7,6 reið yfir Ishikawa-hérað á vesturströnd Honshu, enn það er stærsta og fjölmennasta eyja Japans.
Samkvæmt frétt RÚV gildir viðvörunin í 300 kílómetra radíus frá skjálftamiðlu. Þá er almenningi jafnfram sagt að koma sér í burtu frá strandlengjunni og hærra upp í land.
BBC greinir frá því að óttast sé að ölduhæð geti náð allt að fimm metrum í Noto. Þá gæti ölduhæðin náð þremur metrum í nágrannahéruðunum, Niigata og Toyama.
Opinber sjónvarpsstöð skellti orðinu „RÝMING“ upp í stórum stöfum og hvöttu þannig íbúa til að flýja hærra upp í landið, þrátt fyrir vetrarveðrið.
Stjórnendur stærsta framleiðanda kjarnorku Japans, Kansai Electric, segir að ekki hafi orðið var við „neitt óvenjulegt“ í kjarnorkuverum á þeim svæðum sem urðu fyrir skjálftanum.
Veðurstofa Suður Kóreu varar við því að flóðbylgjurnar getu skollið á austurströnd landsins milli 9:29 og 10:17, að íslenskum tíma.
jarðskjálftar
Búast má við stórum skjálfta í Brennisteinsfjöllum: „Auðvitað ekki langt frá höfuðborgarsvæðinu“
Jarðskjálfti á óvenjulega miklu dýpi mældist í dag við Grjótárvatn – Fannst á Mýrum
Grindavík rýmd vegna mögulegs kvikuhlaups: „Órói fór að rísa líka“
Jarðskjálfti skók New Jersey: „Þetta var óhugnanlegt!“
Snarpur jarðskjálfti fannst vel á höfuðborgarsvæðinu
Athugasemdir