Konan sem þóttist vera Madeleine biðst afsökunar: „Bjóst ekki við að ég fengi líflátshótanir“

Konan sem reyndi að telja heim­inum trú um að hún væri Madel­eine McCann hefur beðist afsök­unar á fram­komu sinni. Kona, að nafni Julia Wandelt (22), steig fram á sam­fé­lags­miðlum á sein­asta ári og sagð­ist vera viss um að hún væri Madel­eine.

Madel­eine hvarf spor­laust þegar hún var í fríi með for­eldrum sínum í Portúgal árið 2007 en málið vakti heims­at­hygli. Leynilög­reglu­menn hafa síðan reynt að kom­ast að því hvað varð um litlu stúlk­una. Eftir að Julia steig fram á sam­fé­lags­miðlum skap­að­ist mik­ill fjöl­miðla­stormur en síðar kom í ljós að hún var frá Póllandi og átti við and­leg veik­indi að stríða.

Julia steig fram í hlað­varps­þátta­röð­inni „Why Do You Hate Me?“ nýverið og sagð­ist sjá eftir gjörðum sínum. ,,Ég ætl­aði aldrei að særa neinn,‘‘ sagði hún og bætti við að henni hafi langað að vita hver hún væri í raun og veru. „Ég vissi að sumir myndu ekki trúa mér eða hata mig, en ég bjóst ekki við að ég fengi líf­láts­hót­anir. Þetta var eitt­hvað sem ég skildi ekki. Fólk vissi að ég var mis­notuð og þau vissu öll að ég glímdi við þung­lyndi,“ sagði Julia. „Ég var að reyna að vera sterk, jafn­vel þegar fólk sagði ,,Þú ættir að vera drepin. Þú ættir ekki að vera til í þessum heimi.“ Framkoma Juliu vakti gríð­ar­lega reiði en sjálf seg­ist hún sjá eftir því að hafa stofnað Instagram-reikn­ing­inn sem varð til þess að fjöl­miðlar fjöll­uðu um málið.