Hermaður í flug­her Banda­ríkj­anna kveikti í sér fyrir framan ísra­elska sendi­ráðið í Washington DC, í mót­mæla­skyni vegna þjóð­ar­morðs­ins á Gaza.

Maður að nafni Aaron Bushnell, sem starf­aði í banda­ríska flug­hernum, lést á sjúkra­húsi eftir að hafa kveikt í sér fyrir framan sendi­ráð Ísraels í Washington DC í gær­morgun. Það gerði hann í mót­mæla­skyni vegna þjóð­ar­morðs Ísraela á Palest­ínu­mönnum.

Bushnell hafði fyrr um morg­un­inn sent frétta­miðlum til­kynn­ingu um að hann myndi „fram­kvæma öfga­fullt mót­mæli“ sem hann myndi sýna í beinni á streym­is­síð­unni twitch. Í mynd­skeið­inu sést hann ganga í átt að sendi­ráð­inu og segja: „Ég er virkur með­limur banda­ríska flug­hers­ins og ég verð ekki lengur sam­sekur í þjóð­ar­morði.“

„Ég er að fara að taka þátt í öfga­fullri mót­mæla­að­gerð,“ segir hann svo rólega og gengur niður göt­una. „En miðað við það sem fólk hefur upp­lifað í Palest­ínu af hendi nýlendu­herra sinna, þá er það alls ekki öfga­fullt. Þetta er það sem valda­stéttin okkar hefur ákveðið að verði eðli­legt.“

Her­mað­ur­inn stillir svo upp mynda­véla­sím­anum upp og gengur að grind­verki sendi­ráðs­ins og hellir yfir sig eld­fimum vökva en á í svolitlum erf­ið­leikum með kveikjar­ann. Örygg­is­vörður spyr hvort hann geti aðstoðað hann en svo kviknar í Bushnell. Kemur þá að leyni­þjón­ustu­að­ili og beinir að ein­hverjum und­ar­legum ástæðum byssu að hinum brenn­andi her­manni. Örygg­is­vörð­ur­inn segir við þann aðila að hann þurfi fleiri slökkvi­tæki en ekki byssur, og byrjar að spreyja úr slökkvi­tæki sem hann hafði, á Bushnell, sem hafði þá hnegið niður. Á meðan Bushnell brann, hróp­aði hann ítrekað „Frjáls Palest­ína!“

Var hann fluttur lífs­hættu­lega slas­aður á sjúkra­hús þar sem hann lést af sárum sínum.

Mynd­skeiðið af mót­mæl­unum má sjá hér að neðan. Lesendur eru varaðir sér­stak­lega við því að horfa á það, því þó að það sé búið að gera versta kafl­ann óskýran, er myndefnið afar erfitt áhorfs.