Alaia Baldwin, mágkona Justin Biebers, var handtekin og ákærð á dögunum fyrir líkamsárás. Ku hún hafa hent notuðum túrtappa í barþjón og ráðist á nokkra barþjóna í Savannah, í Georgíu í Bandaríkjunum.
Samkvæmt lögregluskýrslum sem fréttamiðillinn ET hefur undir höndunum kemur fram að lögreglunni hafi borist tilkynning um klukkan hálf þrjú að nóttu. Alaia hafði verið vísað út af starfsfólki barsins eftir að hafa kastað upp á salerni. Var henni haldið niðri af dyraverði staðarins en er hann hafi sleppt henni, hafði Alaia sparkað í kynfæri hans.
Öryggismyndavélar af staðnum sýna Alaia ryðjast inn á salerni sem ætlað er starfsfólki barsins. Starfmaður hafi vísað henni frá og bent henni á almenningssalerni. Samkvæmt upplýsingum frá lögreglu var túrtappa hent í kjölfarið og hún fjarlægð með valdi af staðnum. Þá sést vel á efni eftirlitsmyndavéla þar sem Alaia grípur og togar í hár eins dyravarðar og sparkar í kynfæri annars.
Lögreglan segir að Alaia hafi neitað að hafa ruðst inn á salernið, heldur hafi einungis þurft að kasta upp og skipta um túrtappa. Þess auki neitaði hún að hafa hent túrtappanum en litlu síðar viðurkenndi hún verknaðinn. Hún ber fyrir sig sjálfsvörn er varðar meintar líkamsárásir á dyraverði staðarins.
Athugasemdir