Ástkær 14 barna móðir lést eftir að hafa dottið af raf­magns­hlaupa­hjóli í skelfi­legu slysi.

Hin 47 ára Angeline Bryan, hlaut ban­væna höf­uð­á­verka þegar hún var á leið­inni að hjálpa vini sínum að flytja en hún datt af raf­magns­hlaupa­hjóli sínu. Vinir hinnar vin­sælu móður hafa í dag hafið söfn­unar­á­tak til að safna nægum pen­ingum til að veita henni sóma­sam­lega útför og erfi­drykkju, svo hægt sé að kveðja hana á sóma­sam­legan hátt.

Mirror segir frá þessu en þar kemur fram að vinir hennar hafi sagt frá því hvernig Angeline datt af raf­magns­hlaupa­hjóli sem hún átti og fékk við það höf­uð­högg, án þess að átta sig á því að höggið myndi leiða til dauða hennar. „Hún stóð upp og hélt áfram, þó hún kvart­aði undan höf­uð­verk næstu daga,“ sagði dóttir hennar, Jaymi Andrews.

Slysið varð í Nott­ing­ham þar sem Angeline, sem var ekki aðeins 14 barna móðir, heldur einnig sex barna amma, hafði farið til að hjálpa vini sínum að flytja búslóð. Á þriðja degi versn­aði höf­uð­verk­ur­inn og hún fór að haga sér und­ar­lega. Vinkona hennar var svo áhyggju­full að hún hringdi á sjúkra­bíl um kvöldið.

„Þeir fóru ekki með mömmu á sjúkra­hús. Þeir skildu hana eftir þar sem hún var og sögð­ust halda að hún væri drukkin. Hún var hins vegar ekki drukkin – það var vegna höf­uð­meiðsla sem hún vissi ekki einu sinni að hún væri með,“ sagði Jaymi. Morg­un­inn eftir hafði ástand Angeline versnað enn frekar. Vinkonan hringdi aftur á sjúkra­bíl­inn og að þessu sinni fluttu sjúkra­flutn­inga­menn hana á sjúkra­hús.

„Þeir skönn­uðu hana og komust að því að hún var með fjórar blæð­ingar á heil­anum, af völdum falls­ins af hjól­inu. Þeir gerðu aðgerð til að reyna að tæma blæð­ing­una og héldu henni sof­andi og héldu áfram að skanna hana til að sjá hvað væri að ger­ast,“ bætti Jaymi við. „Á fimmta degi fékk Angeline mikið heila­blóð­fall. Hún var sett í önd­un­ar­vél en náði sér því miður ekki.“

Börn hennar, á aldr­inum fimm ára til 29 ára, hafa verið skilin eftir án mömmu og eru í umsjá eldri systk­ina og ætt­ingja í Milton Keynes, Buckinghamshire.

„Þetta var mikið áfall fyrir okkur öll,“ sagði Jaymi. „Þetta hrika­lega slys hefur valdið því að við erum öll í hjarta­sorg og týnd. Mamma var drottn­ingin okkar. Hún var til staðar fyrir okkur öll og barna­börnin sín. Allir sem þekktu mömmu okkar vissu að hún var til staðar fyrir alla og setti þarfir ókunn­ugra fram fyrir sínar í hvert ein­asta skipti. Mamma lét hlut­ina ger­ast, það var sama hvað ein­hver var að glíma við, hún fann leið til að hjálpa hverjum þeim sem þurfti. Hún var skemmti­leg, góð og fal­leg mann­eskja að innan sem utan og hennar verður svo saknað af svo mörgum.“