Lög­reglan á Suð­ur­landi sendi frá sér til­kynn­ingu í morgun þar sem er greitt frá því að elds­voði sem átti sér stað 9. mars í Hafn­ar­húsi á Selfossi hafi verið íkveikja og að börn hafi stöðu sak­born­inga í mál­inu og hafa barna­vernd­ar­yf­ir­völd verið kölluð að borð­inu.

Hafn­ar­húsið átti sér mikla sögu en það var byggt árið 1947 og var kaup­fé­lagið Höfn starf­rækt í hús­inu.

Hægt er að lesa alla til­kynn­ingu lög­reglu hér fyrir neðan:

„Laug­ar­dags­kvöldið 9. mars s.l. fékk lög­regla, ásamt öðrum við­bragðs­að­ilum til­kynn­ingu um eld í Hafn­ar­túni er stendur við Sigtúns­garð á Selfossi. Slökkvi­starf tók nokkurn tíma þar sem elds­matur var mik­ill. Lög­reglan á Suð­ur­landi hefur farið með rann­sókn á elds­upp­tökum og notið við það aðstoðar tækni­deildar lög­regl­unnar á Höf­uð­borg­ar­svæð­inu og bruna­sér­fræð­ings frá Húsnæðis- og Mann­virkja­stofnun. Rann­sóknin hefur leitt í ljós að um íkveikju var að ræða og hefur tölu­verður fjöldi skýrslna verið tekin af fólki vegna máls­ins. Rannsókn lög­regl­unnar hefur miðað vel og hefur lög­regla góða mynd af atburðum. Nokkur ung­menni hafa stöðu sak­born­inga í mál­inu og rann­sóknin unnin í sam­ráði við barna­vernd­ar­yf­ir­völd.“