Úkra­ínska vef­versl­unin Íslnd shop selur ýmis­konar fatnað, skart­gripi og aðrar vörur. Þar er einnig hægt að kaupa bolla með hat­urs­orð­ræðu gegn Rússum en boll­arnir eru ræki­lega merktir Íslandi.

Rússnesk kona sem býr á Íslandi hafði sam­band við Mannlíf eftir að henni var bent á bolla sem seldir eru á úkra­ínskri vef­síðu en á boll­unum er mynd af hnífi og á þeim stendur „slátrið Rússunum“.

Konan sem Mannlíf ræddi við er á móti inn­rás Rúss­lands inn í Úkraínu en er einnig á móti svona hat­urs­orð­ræðu. „Það sem líka vekur athygli er að þeir nota nafnið „Ísland“ á vörur sínar. Þannig, með því að nota nafn lands okkar, kallar rót­tæka fólkið í Úkraínu eftir morði á öllu fólki af rúss­neskum upp­runa. Við skiljum öll vel að stríð er hræði­leg­asti atburður nútím­ans. Hins vegar er líka glæpur að skilja slík mál eftir án eft­ir­lits. Ég er rúss­nesk, fædd­ist í Sov­ét­ríkj­unum, blóð nokk­urra þjóð­erna rennur í æðum mínum, þar á meðal rúss­nesk og úkra­ínsk. Og ég á ætt­ingja og vini bæði rúss­neska og úkra­ínska. Ég er hneyksluð á stefnu Pútíns. En ég er líka hneyksluð á svona máli.“

Lýsingin á boll­unum á vef­síð­unni er einnig nokkuð óhugn­an­leg en þar stendur í íslenskri þýð­ingu: „Raun­veru­leg og mjög ein­læg ósk hvers Úkra­ínu­manns er að her­náms­landið hverfi af heimskort­inu. Og svo að allir skilji: Í mörg hund­ruð ára til­veru sinni hefur Rússland aðeins borið með sér illsku og eyði­legg­ingu. Ef boll­inn þinn brotnar óvart, ekki hafa áhyggjur, þú veist í hvað þú getur notað brotin.“

Annar Rússi sem Mannlíf ræddi við segir að því miður ger­ist svona í stríðum og að öfga­menn finn­ist í báðum löndum.

Mannlífi er ekki kunn­ugt um ástæð­una fyrir því að Ísland sé skrifað á boll­ana líka en svo virð­ist sem um ein­hverss­konar vöru­merki sé að ræða en Islnd TV YouTube rásin virð­ist vera á bak­við vef­versl­un­ina. Mannlíf sendi tölvu­póst á vef­versl­un­ina í dag en hefur ekki enn fengið svar.