„Ég geng alltaf berfætt nema í vinnunni,“ segir Natascha Harsch, íbúi á Reykhólum og starfsmaður Þörungavinnslunnar, sem stóð berfætt í suddanum við að gefa súpu fyrir utan heimili sitt við Hellisbraut á Reykhólum. Natascha var ein þeirra sem gáfu súpu á Reykhóladögum um liðna helgi. Hún bauð upp á gómsæta katöflusúpu.
Natascha er Þjóðverji sem kom fyrst til Íslands fyrir 10 mánuðum síðan. Það vekur athygli að hún talar nánast lýtalausa íslensku. Hún unir sér hvergi betur en á Reykhólum þar sem hún segist ætla að búa um ófyrirsjánalega framtíð. Hún er nýbúin að kaupa sér hús á staðnum.
Aðpurð um ástæðu þess að hún sé alltaf berfætt segist hún ekki hafa neina sérstaka skýringu aðra en þá að þannig líði henni best. Og það er sama hvort það er sumar, vetur vor eða haust.
„Þannig líður mér best,“ segir Natascha brosmild og býður upp á ábót á súpuna.
Um landið
Forstöðumanni hjá Akureyrarbæ sagt upp eftir ásakanir um kynferðislega áreitni
Undirbýr stefnu á hendur Móglí ehf. – Eigandinn skeytir ekkert um dagssektirnar
Heldur enn í vonina um að Luna og Stitch finnist: „Ég er ekki alveg reiðubúin að afskrifa þá ennþá“
Helga Vala stuðar landsbyggðarfólk: „Það er verið að bjóða uppá rússneska rúllettu með mannslíf“
Ósætti vegna drónamyndatöku lögmanns við stjórnsýsluhús Ísafjarðar – Sakaður um njósnir
Athugasemdir