Nauð­syn­legt er fyrir Fjarða­byggð að gera skipu­lags­breyt­ingar á lóðum í og við Sólvelli á Breið­dals­vík að mati Elísar Péturs Elís­sonar, fram­kvæmda­stjóra Goða­borgar í bænum. Óttast hans alvar­leg slys verði ekk­ert gert.

Aust­ur­frétt segir frá mál­inu en þar kemur fram að ýmsir vin­sæl­ustu ferða­manna­staðir Breið­dals­víkur standi við göt­una Sólvelli en gatan er að mestu leyti malar- og mold­ar­vegur. Í fjöl­mörg ár hefur staðið til að laga veg­inn, til dæmis með sér­stöku torgi en enn hefur lítið verið gert.

Nýlega ítrek­aði Elís Pétur, sem situr beggja vegna borðs­ins sem bæj­ar­full­trúi í Fjarða­byggð, beiðni sína um lag­fær­ingar á veg­inum, nú þegar sveit­ar­fé­lagið und­ir­býr upp­setn­ingu hreins­isvikris við Sólvelli.

Segir hann hug­myndir um torg ekki ganga full­kom­lega upp miðað við þá starf­semi sem nú er við göt­una.

„Það er eitt og annað gott að segja um þessar hug­myndir sem EFLA teikn­aði fyrir þetta breið­torg á Sól­völl­unum en þessar hug­myndir eru frá árinu 2016 minnir mig. Síðan þá hefur starf­semin þarna í kring gjör­breyst með þeim hætti að margt það sem teiknað var á sínum tíma sam­ræm­ist engan veg­inn núver­andi notkun. Nú er þarna auð­vitað Frysti­húsið, brugg­húsið Beljandi og Borkjarna­safnið auk ann­ars sem þýðir að á sumrin er þarna fólk á ferli allan dag­inn og langt fram á kvöld. Þarna er engu að síður önnur atvinnu­starf­semi eins og verk­stæði og fisk­vinnsla og tölu­vert um þunga­flutn­inga. Þó umferð­ar­þung­inn sé kannski ekki mik­ill þarf ekk­ert mikið að bregða útaf til að slysin verði eins og sýndi sig á Djúpa­vogi fyrir tveimur árum við svip­aðar aðstæður.“

Ákveðið var af skipu­lags- og fram­kvæmda­nefnd Fjarða­byggðar að vísa erindi Elísar til fjár­hags­á­ætl­un­ar­gerðar 2025 og að auki fela skipu­lags- og bygg­ing­ar­full­trúa sveit­ar­fé­lags­ins að útbúa lóð fyrir hreinsi­virkið og dælu­brunna, að því er fram kemur í umfjöllun Aust­ur­fréttar.