Fyrr­ver­andi grunn­skóla­kenn­ari og skáta­for­ingi hefur verið dæmdur í fang­elsi eftir að hafa átt kyn­ferð­is­legt sam­tal við mann­eskju sem hann hélt að væri 13 ára.

Samuel Robinson, 27, hafði sam­band við mann­eskj­una, sem reynd­ist vera tál­beita frá aðgerð­ar­hópi á net­inu gegn barn­a­níð, í gegnum spjall­kerfi á sam­fé­lags­miðlum milli föstu­dags­ins 7. apríl og þriðju­dags­ins 11. apríl, 2023.

Tál­beitan sagð­ist ítrekað vera 13 ára við Robinson en hann hélt áfram með hið kyn­ferð­is­lega sam­tal. Robinson var hand­tek­inn eftir að aðgerð­ar­sinn­ar­arnir heim­sóttu heim­ili hans að kvöldi 11. apríl.

Lagt var hald á raf­tæki hans og við athugun á Snapchat reikn­ingi hans kom í ljós að hann hafði einnig átt sam­skipti við 15 ára stúlku á tíma­bil­inu maí 2021 til júní 2022. Samtalið var kyn­ferð­is­legt þar sem Robinson bauðst meðal ann­ars til að senda óvið­eig­andi myndir af sér.

Mið­viku­dag­inn 2. októ­ber, í Cambridge Crown Court, var Robinson, frá Butt Lane, Milton, dæmdur í 2 ára og 10 mán­aða fang­elsi, eftir að hafa játað að hafa átt í kyn­ferð­is­legum sam­skiptum við barn, reynt að eiga í kyn­ferð­is­legum sam­skiptum við barn og að reyna að fá stúlku til að stunda kyn­líf.

Caroline Murphy, stað­geng­ill sýslu­manns, sagði að brotin hefðu engin tengsl við kennslu Robin­sons eða hlut­verk hans sem leið­togi skáta. Hún sagði: „Robinson var vel með­vit­aður um þá skyldu sem við öll höfum til að vernda ungt fólk svo að að vita að hann hafi haft sam­band við mann­eskju sem hann taldi vera barn á þennan hátt og taka þátt í gróf­lega óvið­eig­andi sam­ræðum er skelfi­legt. Þetta mál sýnir hversu alvar­lega við tökum á því að vernda börn gegn skaða.“

Mirror fjall­aði um málið.