Sveit­ar­fé­lagið Fjarða­byggð og Kjör­búðin hafa gert með sér sam­komu­lag um að gefa nýbök­uðum for­eldrum í sveit­ar­fé­lag­inu vöggu­gjöf.

Samkvæmt Aust­ur­frétt er vöggu­gjöfin pakki með nauð­synja­vörum fyrir fyrstu vik­urnar í lífi nýfæddra barna og for­eldra þeirra en hægt er að nálg­ast pakk­ann í Kjör­búðum í sveit­ar­fé­lag­inu.

„Vöggu­gjöfin er okkar fram­lag til þess að bjóða nýj­ustu íbúa Fjarða­byggðar vel­komna í heim­inn. Við vitum að það er að mörgu að huga fyrstu vik­urnar í lífi barns og okkur finnst auð­vitað dásam­legt að geta létt undir með fjöl­skyldum með þessum hætti.

Við höfum í gegnum tíð­ina átt í góðu sam­starfi við Fjarða­byggð, og það er frá­bært að taka þetta stóra skref saman,“ segir Bergrún Ósk Ólafs­dóttir, verk­efna­stjóri umhverfis- og sam­fé­lags­mála hjá Sam­kaupum í til­kynn­ingu.

Eft­ir­far­andi er síðan haft eftir Haraldi Líndal Har­alds­syni, upp­lýs­inga­full­trúa Fjarða­byggðar:

„Fjarða­byggð er stolt af því að fá að taka þátt í þessu verk­efni með Sam­kaupum og vera þar með fyrsta sveit­ar­fé­lagið til þess. Fjarða­byggð er barn­vænt sveit­ar­fé­lag þar sem börn kom­ast í leik­skóla eftir fyrsta ald­ursár og viljum við gera vel á fyrstu vikum barns með því að létta undir og stuðla að jákvæðri upp­lifun meðal nýbak­aðra for­eldra.”

En hvað inni­heldur vöggu­gjöfin? Þar má meðal ann­ars finna bleyjur, bossakrem, snuð, barnolíu, blaut­þurrkur, leka­hlífar, bóm­ull og brjóstakrem. Er hug­myndin fengin erlendis frá þar sem sér­stakir barns­burð­ar­pakkar af svip­uðum toga þekkj­ast og inni­halda nauð­synja­vörur fyrir allt frá nokkrum vikum og upp í fyrstu mán­uð­ina eftir fæð­ingu barns. Þar sem slíkar gjafir eru í boði hafa þær slegið í gegn og í kjöl­farið hlotið nokkra athygli á Íslandi.

Fram kemur í umfjöllun Aust­ur­fréttar að sveit­ar­fé­lagið veiti upp­lýs­ingar um fjölgun á heimli sem síðan gefur Kjör­búð­inni kleyft að bjóða stækk­andi fjöl­skyldum mögu­leika á að þiggja gjöf­ina. Vilji fjöl­skylda þiggja vöggu­gjöf­ina getur hún nálg­ast upp­lýs­ingar á vef­svæði Kjör­búð­ar­innar og velja að fá gjöf­ina afhenta í verslun.

Alls er að finna Kjörbúð í þremur bæjum í Fjarða­byggð en það er á Eski­firði, Fáskrúðs­firði og í Nes­kaups­stað. „Við viljum að íbúum í nágrenni Kjörbúða líði vel og upp­lifi öryggi með aðgengi að nauð­synja­vörum. En við erum oftar en ekki eina versl­unin í þeim bæjum þar sem við störfum og leggjum alltaf höf­uð­á­herslu á að sinna því hlut­verki vel, ekki ein­ungis sem mat­vöru­verslun, heldur einnig sem þátt­tak­andi í sam­fé­lag­inu. Því finnst okkur dýr­mætt að fá að styðja við vax­andi fjöl­skyldur í okkar næsta nágrenni og vonum að gjöfin komi að góðum notum,” bætir Bergrún við.