Harrý Breta­prins ræddi vanga­veltur um hjóna­bandsvand­ræði hans og eig­in­konu sinnar til sex ára, Meghan Markle, her­toga­ynju af Sussex, sem hann á son­inn Boga og dótt­ur­ina Lísabetu með.

Her­tog­inn af Sussex lok­aði á allar vanga­veltur um að hann og eig­in­kona hans til sex ára, Meghan Markle, væru að fara að skilja vegna þess að hjónin mættu í nokkra opin­bera við­burði í sitt­hvoru lagi.

„Svo virð­ist sem við höfum keypt eða flutt hús 10, 12 sinnum,“ sagði hinn 40 ára gamli prins á DealBook-ráð­stefnu New York Times 2024, í New York borg 4. des­em­ber, sam­kvæmt People. „Við höfum greini­lega skilið kannski 10, 12 sinnum líka. Svo maður er bara, ha?“

Hann bætti við: „Það er erfitt að halda í við slúðrið, en þess vegna hunsarðu það bara.“

Þrátt fyrir að slúður í blöðum um hann sé ekk­ert nýtt fyrir prins­inn, sem er fimmti í röð­inni í breska hásætið, upp­lýsti hann hvað honum finnst í raun um þá sem kynda undir nei­kvæðum sögu­sögnum um per­sónu­legt líf hans.

„Fólkið sem ég vor­kenni mest eru tröllin,“ hélt Harry áfram. „Vonir þeirra byggj­ast upp og byggj­ast upp og það er eins og: „Já, já, já, já, já,“ og svo ger­ist það ekki. Svo ég vor­kenni þeim. Í alvöru, ég geri það.“

En fyrir Harrý, sem deilir krökk­unum Boga, 5, og Lísabetu Díönu, 3, með Meghan, 43, þýðir að hunsa nei­kvæðn­ina ekki að hann skrúfi alveg fyrir hana. Reyndar opin­ber­aði hann áður að hann væri tregur til að ferð­ast aftur til heima­lands síns með her­toga­ynj­unni af Sussex vegna umfjöll­unar breskra blaða um parið.

„Þetta er samt hættu­legt,“ sagði Harry í við­tali við ITV í júlí, „og allt sem þarf er að einn ein­stak­lingur, einn sem les þetta efni til að bregð­ast við því sem hann hefur lesið. Hvort sem það er hnífur eða sýra,“ hélt hann áfram, „hvað sem það er, og þetta eru hlutir sem eru mér raun­veru­lega áhyggju­efni. Það er ein af ástæð­unum fyrir því að ég mun ekki koma með kon­una mína aftur til lands­ins.“