Palest­ínski afinn Khaled „Abu Diaa“ Nabhan, var drep­inn í sprengju­árás Ísra­els­hers á Nuseirat-flótta­manna­búð­irnar í gær. Yfir milljón manns fylgdi honum á Instagram.

Palest­ínskir ​​aðgerð­ar­sinnar minn­ast Khaled „Abu Diaa“ Nabhan á sam­fé­lags­miðl­unum en hann var drep­inn í árás Ísra­els­hers í gær. Nabhan hreyfði við mörgum á síð­asta ári þegar hann kvaddi þriggja ára barna­barn sitt, Reem sem hafði verið myrt af Ísra­els­her en mynd­band af kveðj­unni fór sem eldur um sinu á sam­fé­lags­miðl­unum.

Í mynd­skeið­inu sést hann hann faðma og kyssa stúlk­una sem var hafði verið drepin af í sprengju­árás Ísraela og kalla hann hana „sál sálar sinnar“.

Nabhan, sem var með milljón fylgj­endur á Instagram, hefur nú verið drep­inn í nýj­ustu sprengju­árásinni á Nuseirat-flótta­manna­búð­irnar í mið­hluta Gaza.

Aðgerð­ar­sinn­inn Assal Rad skrif­aði færslu á X-inu þar sem hún birti mynd­skeið af afanum kveðja barna­barn sitt og skrif­aði:

„Ísrael var að drepa Khaled Nabhan, en þriggja ára barna­barn hans, Reem, var drepið af Ísrael í fyrra. Afmæl­is­dagur hans, sem hann deildi með Reem, er í næstu viku. Hún hefði orðið fimm ára.

Þeir eru að þurrka út heilu fjöl­skyld­urnar og sögu þeirra. En við munum ekki gleyma.“

Hér fyrir neðan má sjá mynd­skeiðið en les­endur eru var­aði við efn­inu.