Unglingur er í gæsluvarðhaldi grunaður um fjórfalt morð en hann er talinn hafa drepið fjölskyldu sína á heimili þeirra í Belen, Nýju Mexíkó, að sögn lögreglu.
Lögreglustöðin í Valencia fékk símtal um 3:30 að morgni laugardags frá Diego Leyva, 16 ára, sem sagði þeim sem svaraði í símann að hann hefði myrt fjölskyldu sína.
Talsmaður lögreglunnar sagði á sunnudag að þegar lögreglumenn komu á staðinn hafi Leyva gengið út úr íbúðinni með hendur á lofti og verið mjög ölvaður.
Hann streittist ekki á móti er hann var handtekinn, að því er segir í yfirlýsingu þeirra.
Þegar lögreglumenn komu inn á heimlið fundu þeir fjögur fórnarlömb sem virtust hafa látist af völdum skotsára. Einstaklingarnir voru síðar skilgreindir sem Leonardo Leyva, 42 ára; Adriana Bencomo, 35 ára; Adrian Leyva, 16 ára; og Alexander Leyva, 14 – allir fjölskyldumeðlimir unglingsins sem grunaðir eru um morðin.
Leyva var fluttur á svæðissjúkrahús til afeitrunar, að sögn lögreglunnar. Eftir að hann var útskrifaður af sjúkrahúsinu í gær var Leyva skráður inn á Juvenile Justice Center í Albuquerque. Hinn 16 ára unglingur hefur nú verið kærður fyrir fjórfalt morð af fyrstu gráðu.
Rannsókn á tildrögum morðanna stendur yfir, að sögn lögregluembættisins.
Athugasemdir