Í yfir­lýs­ingu frá Læknum án landamæra um árás Ísra­els­hers fyrr í dag í al-Mawasi, í suð­ur­hluta Gaza, segir að árásin hafi sér­stak­lega beinst að sam­tök­unum.

Hópurinn segir að í hörðum átökum hafi 12 liðs­menn þeirra og fjöl­skyldur þeirra verið umkringdir sprengju­árásum og miklum skotárásum á heim­ili þeirra, á meðan meira en 30 aðrir voru fastir á skrif­stofu Lækna án landamæra.

„Skrið­drekar réð­ust inn á svæðið þar sem við búum. Þetta var skelfi­legt. Við lágum á jörð­inni á heim­ilum okkar í marga klukku­tíma og það virt­ist sem skot­hríðin væri beint sér­stak­lega í átt­ina til okkar,“ sagði starfs­maður sam­tak­anna.

Læknar án landamæra sögð­ust hafa neyðst til að loka bráða­mót­töku sinni á heilsu­gæslu­stöð­inni á svæð­inu vegna óör­yggis, þannig að fólk gat ekki fengið lífs­bjarg­andi aðhlynn­ingu, jafn­vel þótt sært fólk væri að koma á heilsu­gæsl­una.

Í yfir­lýs­ingu sam­tak­anna segir enn­fremur: „Læknar án landamæra hafa miklar áhyggjur af öryggi starfs­fólks síns og sjúk­linga á Gaza og biðla til allra aðila átak­anna til að vernda óbreytta borg­ara og alla hjálp­ar­starfs­menn og koma á taf­ar­lausu og var­an­legu vopna­hléi á Gaza-strönd­inni.“