Mikil röskun hefur orðið á sorp­hirðu í Múla­þingi í vetur sam­kvæmt íbúum sveit­ar­fé­lags­ins og hefur málið valdið svo miklum vand­ræðum að sveit­ar­fé­lagið baðst afsök­unar í færslu á sam­fé­lags­miðlum.

„Múlaþing vill aftur biðja íbúa sína afsök­unar á þeirri röskun sem hefur orðið á sorp­hirðu og þakkar um leið fyrir þær ábend­ingar sem hafa borist vegna hennar,“ segir í færsl­unni sem birt­ist meðal ann­ars á Facebook en óhætt er að segja að sú afsök­un­ar­beiðni hafi fallið í grýttan jarð­veg hjá íbúum en ein­hverjir íbúar halda því fram að sorp hafi ekki verið sótt heim til þeirra síðan í októ­ber.

Gert til þess að spara

„Èg legg til að a) við borgum ekki fyrir sorp­hirðu b) allir íbúar rukki sveita­fé­lagið fyrir tím­ana sem við eyðum í sorp­hirðu sem sveit­ar­fé­lagið ætti að sinna en sinnir sann­ar­lega ekki. Þá er lík­lega „sparn­að­ur­inn“ sem fæst með að taka lægsta til­boði í útboði far­inn út um glugg­ann,“ segir Rannveig Þór­halls­dóttir í athuga­semd­ar­kerfi Múla­þings á Facebook.

„Á virki­lega ekki að taka bland­aðan úrgang fyrr en 23. jan­úar á Seyð­is­firði? Eftir jól og ára­mót? Þetta er nátt­úru­lega til skammar fyrir sveita­fé­lagið, að þið skulið ekki gera meiri kröfur á þetta bless­aða fyr­ir­tæki sem er tekið við. Hrikaleg aft­ur­för í þjón­ustu,“ skrifar hún Urður Arna Ómars­dóttir um málið.

Greini­legt er að mikil óánægja er með þjón­ust­una og telja sumir íbúar að sveit­ar­fé­lagið hafi ákveðið að spara pen­ing með því að taka lægsta til­boði þegar verkið var boðið út. Það sé nú byrjað að bíta íbúa í rass­inn. Þá gera nokkrir íbúar kröfu á að fá sorp­hirðu­gjöld 2024 end­ur­greitt í ljós þess að þeir fengu litla sem enga þjón­ustu, að þeirra mati.