Zelensky segir Lukashenko hafa beðist afsökunar á eldflaugaárásum: „Ég ræð ekki“

Volody­myr Zelensky, for­seti Úkraínu, segir að í upp­hafi inn­rásar Rússa í Úkraínu hafi Aleksandr Lukashenko, for­seti Belarús, beðist afsök­unar á eld­flauga­árásum frá  yfir­ráða­svæði Belarús.

Í við­tali við banda­ríska hlað­varps­stjórn­andan Lex Fridman, sem birt var í gær, sagði Zelensky að leið­tog­arnir tveir hafi talað saman í síma aðeins nokkrum dögum eftir inn­rás Rússa í febr­úar 2022.

„[Hann] baðst afsök­unar og sagði: „Þetta var ekki ég. Flug­skeytum var skotið frá yfir­ráða­svæði mínu og það var Pútín sem skaut þeim.“ Þetta eru orð hans. „Ég er með vitni og ég biðst afsök­unar,“ sagði hann. […] „Volody­myr, þetta er ekki ég. Ég ræð ekki,“ sagði hann við mig.“

Zelensky sagð­ist hafa staðið auglitis til auglitis við Lukashenko og sakað hann um hlut­deild í árás­unum. „Ég sagði honum: „Þú ert líka morð­ingi.“ […] Hann sagði mér: „Þú verður að skilja, þú getur ekki barist við Rússa.“ Ég sagði honum að við höfum aldrei barist við þá. „Það er stríð. Flaug­arnar komu frá þínu landi, frá Belarús. Hvernig leyfð­irðu þetta?“ rifj­aði Zelensky upp. Að sögn Zelensky lagði Lúk­asjenko til að hefn­ar­að­gerð gegn Mozyr-olíu­hreins­un­ar­stöð­inni og lagði áherslu á per­sónu­legt mik­il­vægi hennar fyrir hann. „Ég sagði við hann: „Um hvað ertu að tala? Hvaða hefnd­ar­að­gerðir?“ sagði Zelensky.

Mozyr-olíu­hreins­un­ar­stöðin, ein sú stærsta í Belarús, vinnur fyrst og fremst rúss­neska hrá­olíu. Hún er stað­sett á Gomel-svæð­inu, sem liggur að Úkraínu.

Vorið 2024 var­aði Lúk­asjenkó við því að Úkraína myndi standa frammi fyrir „tíföldu við­brögðum“ ef drónar þeirra myndu miða á Mozyr-hreins­un­ar­stöð­ina og full­yrti að hann hefði fengið upp­lýs­ingar um að slík árás væri í skoðun.