Popp­stjarnan Páll Óskar slapp með skrekk­inn eftir árekstur árið 1996.

„Sem betur fer urðu engin slys á fólki en bíll­inn minn er gjör­ó­nýtur. Ég er bara með smá­háls­ríg. Ég við­ur­kenni fús­lega að þetta gerð­ist vegna hama­gangs­ins í mér. Ég þurfti að flýta mér út á flug­völl,“ sagði söngv­ar­inn Páll Óskar Hjálmtýs­son í sam­tali við DV árið 1996.

Samkvæmt Páli varð árekst­ur­inn á Suð­ur­lands­vegi við Rauða­vatn og var Páll einn í bílnum. Þá sluppu öku­maður og far­þegar í hinum bílnum ómeiddir frá slys­inu. Árekst­ur­inn varð til þess að söngv­ar­inn þurfti að aflýsa tón­leikum á Sauð­ár­króki. Þá sagði hann frá því að þetta hafi verið hans fyrsta umferð­ar­ó­happ.

Hressandi lífsreynsla

„Ég vil segja það að mér fannst mjög gott að lenda í þessu bílslysi. Maður er búinn að vera eitt­hvað „down“ i jan­úar og febr­úar og mér fannst þetta mjög hressandi. Maður þakkar guði fyrir að allt fór vel, bæði hjá mér og fólk­inu í hinum bílnum. Mér er nákvæm­lega sama um þennan bíl minn. Hann má fara á haug­ana. Ég ætla að fara á þriðju­dag­inn og kaupa mér ein­hvern æðis­legan blásanser­aðan popp­stjörnu­bíl og vera ekki með neina Mözdu-stæla. Þessir japönsku bílar verða bara að smjöri ef þeir lenda í ein­hverju svona,“ sagði Páll að lokum.