Að minnsta kosti 24 Palest­ínu­menn hafa verið drepnir frá dögun á mið­svæði Gaza en um er að ræða for­dæma­lausa stig­mögnun loft­árása.

Frétta­menn á vegum Al Jazeera segj­ast hafa séð lík fyrir framan Al-Aqsa sjúkra­húsið og að mik­ill ótti hafi verið í and­litum ætt­ingja og sam­starfs­manna þeirra sem hafa komið í dag til að syrgja hina látnu. Mæður sjást gráta börn sín.

Í frétt Al Jazeera segir að þetta sé kunnu­leg sjón sem sést á hverjum ein­asta degi fyrir framan spít­al­ann en stað­ur­inn er orð­inn að graf­reit fyrir fólk sem hefur verið drepið af Ísra­els­her.

Umfang eyði­legg­ing­ar­innar er með ein­dæmum. Herinn er sagður ein­beita sér að því að miða á íbúð­ar­hús, sér­stak­lega á svæðum sem eru opin­ber­lega flokkuð sem örugg mann­úð­ar­svæði.

Dróna­hljóð gnæfa yfir jarð­ar­far­irnar á meðan ómur stór­skota­árása sem halda áfram að dynja á íbúð­ar­hverfi í aust­ur­hluta Deir el-Balah, berg­mála um allt.

Nokkur óstöð­ug­leiki ríkir í norð­ur­hluta Gaza þar sem óbreyttir borg­arar halda áfram að til­kynna árásir með engan aðdrag­anda.

Ísra­elski her­inn heldur áfram að auka árásir á borg­ara­legar sam­komur, íbúð­ar­hús­næði og alla sem reyna að hafa ein­hvers konar eðli­legt ástand.