Stalin stal lottóvinningi af aldraðri konu – MYNDSKEIÐ

Áttatíu og þriggjar ára kona í Flórída var rænd lottó­vinn­ingi sínum, örstuttu eftir að hún sótti vinn­ing­inn.

Örygg­is­mynd­skeið sem lög­reglan í Orange-sýslu í Flórída birti sýnir augna­blikið sem 83 ára kona mætti Diego Stalin Tavarez Fleury, fyrir utan verslun þar sem hún hafði nýverið sótt 28.000 króna lottó­vinn­ing.

Hinn meinti þrjótur

Mynd: Trausti Haf­steins­son

Fleury sést nálg­ast kon­una, sem ekki hefur enn verið nafn­greind, þegar hún fer út úr verslun í Orlando á mið­viku­dags­morgun með pen­inga­verð­launin í hönd­unum. Það er óljóst hvað Fleury segir við kon­una til að ná athygli hennar en eftir það grípur hann pen­ing­ana.

Þrátt fyrir hæðar- og ald­urs­mun þeirra neitar konan að afhenda vinn­ing­inn sinn og heldur fast í pen­ing­ana sína. Hinn grun­aði virð­ist stíga til baka en þá kemur annar maður út úr versl­un­inni til að grípa inn í aðstæð­urnar og hinn grun­aði ræðst á kon­una á meðan mað­ur­inn sem kom henni til hjálpar, reynir að stöðva hann.

Hinn grun­aði verður aggressífur við hina öldr­uðu konu og dregur hana skelk­aða út úr bíl­stjóra­megin í bíl hennar. Hann er þá tal­inn hafa tekið pen­ing­ana, hrista af sér hinn mann­inn og flúið fót­gang­andi.

Samkvæmt yfir­lýs­ingu frá lög­regl­unni hefur hinn grun­aði, Diego Stalin Tavarez Fleury verið hand­tek­inn.