Talið er að Love Island-stjarnan Paul Danan hafi lát­ist eftir að hann „rann og féll“ í lúxus­í­búð nálægt Bristol, sam­kvæmt breskum fjöl­miðlum.

Tilkynnt var um and­lát hins 46 ára gamla leik­ara á fimmtu­dag­inn síð­ast­lið­inn, þar sem umboðs­skrif­stofa hans deildi yfir­lýs­ingu og heiðr­uðu Paul sem var sagður hafa verið „leið­ar­ljós“. Í yfir­lýs­ingu sagði meðal ann­ars: „Það er með sorg í hjarta sem við deilum hörmu­legum fréttum af and­láti @pauldanan sem var aðeins 46 ára gam­all.“

Sjá einnig: Love Island-stjarna látin aðeins 46 ára – Þjáðist af gríð­ar­legri rafrettu­fíkn

Nú hefur því verið haldið fram að nágrannar hafi sagt að sjúkra­bíll hafi verið kall­aður að lúxus­í­búð nálægt Bristol á mið­viku­dags­kvöldið. Daily Mail greinir frá því að sjón­varps­stjarnan, sem var þekkt­ust fyrir hlut­verk sitt sem Sol Patrick í Hollyoaks, „rann og féll“ í hræði­legu slysi. The Mirror hefur leitað til for­svars­manna Pauls til að fá athuga­semdir.

Fyrr í vik­unni gaf Avon og Somerset-lög­reglan út til­kynn­ingu um and­lát Love Island-stjörn­unnar. Hún sagði í yfir­lýs­ingu: „Lög­reglu­menn sóttu heim­ili í Brislington, Bristol, um klukkan 17:20 í gær (mið­viku­dag­inn 15. jan­úar) þar sem því miður var karl­maður á fer­tugs­aldri úrskurð­aður lát­inn af sjúkra­flutn­inga­mönnum. „Fjöl­skylda hans hefur verið látin vita og hugur okkar er hjá þeim. Þeir hafa beðið fólk um að virða frið­helgi einka­lífs­ins á þessum ótrú­lega erf­iða tíma. Ekki er talið að dauða hans hafi borið að með grun­sam­legum hætti.“

Sex mán­uðum fyrir hið hörmu­lega and­lát komst Paul nálægt dauð­anum þegar hann veikt­ist af önd­un­ar­bilun sem hann sagði vera vegna fíknar hans í rafrettur.

Paul end­aði á gjör­gæslu og var einnig með­höndl­aður vegna lungna­bólgu á meðan hann dvaldi á Whipps Cross-sjúkra­hús­inu. Lækn­ir­inn gaf stjörn­unni harða við­vörun og sagði Paul að hann gæti endað á súr­efn­iskút ef hann reykti aftur.