Eldra fólk brá heldur betur í brún þegar það snéri til baka eftir að Lions­klúbb­ur­inn á Reyð­ar­firði bauð þeim í ferð upp á Hérað. Á heim­leið­inni stopp­aði hóp­ur­inn við sælu­húsið á Fagradag en þar blasti við þeim fjórir kviknaktir karl­menn.

Dag­blaðið fjall­aði um spaugi­lega hegðun nokk­urra ungra manna um versl­un­ar­manna­helg­ina 1975 en þeir hefðu gengið um Reyð­ar­fjörð algjör­lega berrass­aðir en meðal ann­ars versl­uðu þeir í sjoppu í bænum en ekki fylgdi sög­unni hvar þeir geymdu pen­ing­ana sína. Ökumaður drengj­anna var ung stúlka en hún var víst kapp­klædd. Lög­reglan vís­aði fólk­inu frá Reyð­ar­firði en síð­ast var einn hinna nöktu drengja tek­inn ölv­aður við akstur en þá var hann kom­inn í föt.

Hér má lesa hina spaugi­legu frétt Dag­blaðs­ins:

FJÓRIR STRIPLINGAR Á FERÐ

– öku­maður kapp­klœdd stúlka

Um verzlunarmannahelgina bauð Lions­klúbb­ur­inn á Reyð­ar­firði gömlu fólki i ferða­lag upp á Hérað. Í baka­leið­inni var numið staðar við sælu­húsið á Fagradal. Þá mætti bæði ljónum og öldruðum óvenju­leg sjón: Fjórir ungir menn voru þar að leik ger­sam­lega kviknaktir. Piltar þessir höfðu komið niður á Reyð­ar­fjörð og opin­berað þar nekt sína, meðal ann­ars haldið til verzlunar i sjoppu á staðnum. Að sögn Sig­ur­jóns Scheving, lög­reglu­þjóns á Reyð­ar­firði, höfðu þeir komið þangað i bil, sem stúlka ók. Hún var þó kapp­klædd, meira að segja i lopa­peysu. Fólkinu var vísað frá Reyð­ar­firði og hélt þá upp á Fagradal, þar sem það gerði hinum öldr­uðu hverft við, sem fyrr segir. Seinna hélt það áfram för sinni um Aust­ur­land og lyktaði með því, að einn pilt­anna var tek­inn ölv­aður við akstur. Hann var þá að vísu i fötum. Fólkið er úr Reykja­vík